പാരീസ്: ലോകത്തിലെ ഏറ്റവും വലിയ ധനികനും ഡൊണാള്‍ഡ് ട്രംപിന്റെ അടുപ്പക്കാരില്‍ ഒരാളുമായ ഇലോണ്‍ മസ്‌ക് ശനിയാഴ്ച പാരീസിലെ നോട്രഡാം കത്തീഡ്രല്‍ വീണ്ടും തുറക്കുന്ന ചടങ്ങിലെത്തിയത് മറ്റ് അതിഥികളെ ഞെട്ടിച്ചു.
പാരീസിന് വടക്ക് ലെ ബൂര്‍ഗെറ്റ് വിമാനത്താവളത്തില്‍ ഉച്ചയ്ക്ക് മസ്‌ക് പറന്നിറങ്ങിയെന്നും ഇത് സ്വകാര്യ ജെറ്റുകള്‍ പതിവായി ഉപയോഗിക്കുന്നതായി ഒരു എയര്‍പോര്‍ട്ടാണെന്നും എഎഫ്പി റിപ്പോര്‍ട്ട് ചെയ്തു. ടെസ്ല, സ്‌പേസ് എക്‌സ്, സോഷ്യല്‍ മീഡിയ നെറ്റ്വര്‍ക്ക് എക്‌സ് എന്നിവയുടെ മേധാവിയായ മസ്‌ക് കത്തീഡ്രല്‍ തുറക്കുന്ന ചടങ്ങില്‍ എത്തുമെന്ന് അറിയിച്ചിരുന്നില്ല.
കത്തീഡ്രലില്‍ പ്രവേശിക്കുന്നതിന് മുമ്പ് കത്തീഡ്രലിന്റെ വിശാലമായ വാതിലുകളുടെ ചിത്രമെടുക്കുകയും മുന്‍ നിരയില്‍ ഇരിക്കുന്ന ട്രംപുമായി അദ്ദേഹം ആശയവിനിമയം നടത്തുകയും ചെയ്തു. കത്തീഡ്രലിന്റെ മേല്‍ക്കൂരയുടെ വീഡിയോ സഹിതം അദ്ദേഹം എക്സില്‍ പോസ്റ്റ് ചെയ്യുകയും ചെയ്തു.
നവംബര്‍ അഞ്ചിന് അമേരിക്കയില്‍ റിപ്പബ്ലിക്കന്‍ വീണ്ടും തിരഞ്ഞെടുപ്പില്‍ വിജയിച്ചതുമുതല്‍ ട്രംപിനൊപ്പം മസ്‌കും നിറസാന്നിധ്യമായുണ്ട്. തിരഞ്ഞെടുപ്പിലെ വിജയത്തിനായി ട്രംപിനുവേണ്ടി അദ്ദേഹം കുറഞ്ഞത് 270 മില്യണ്‍ ഡോളറാണ് ചിലവഴിച്ചത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.