നിരത്തുകള്‍ കൈയ്യടക്കാന്‍ സൈക്കിള്‍, യുഎഇ ടൂറിന് തുടക്കം

അബുദബി വിവിധ രാജ്യങ്ങളില്‍ നിന്നുളള ടീമുകള്‍ പങ്കെടുക്കുന്ന സൈക്ലിംഗ് ചാമ്പ്യന്‍ഷിപ്പ് യുഎഇ ടൂറിന് ഇന്ന് തുടക്കം. മധ്യപൂർവ്വ ദേശത്തെ ഏക വേള്‍ഡ് സൈക്ലിംഗ് ടൂർ,1045 കി​ലോ​മീ​റ്റ​ർ താ​ണ്ടി 27ന്​ ​സ​മാ​പി​ക്കും.അ​ബൂ​ദ​ബി സ്​​പോ​ർ​ട്​​സ്​ കൗ​ൺ​സി​ലാ​ണ്​ വേ​ൾ​ഡ്​ ടൂ​റിന്‍റെ സം​ഘാ​ട​ക​ർ. മു​ൻ ചാ​മ്പ്യ​ൻ ​സ്ലോവേനിയന്‍ താ​രം ത​ദേ​ശ്​ പൊ​ഗാ​സ​ർ, ​ബ്രി​ട്ടീ​ഷ്​ താ​രം ആ​ദം യേ​റ്റ്​​സ്, ഇ​റ്റാ​ലി​യ​ൻ ചാ​മ്പ്യ​ൻ വി​ൻ​സി​ൻ​സോ നി​ബാ​ലി, സ്​​പെ​യി​നി​ന്‍റെ അ​ല​ക്​​സാ​ൺ​​ഡോ വാ​ൽ​വെ​ർ​ദ്​ തുടങ്ങിയവരാണ് മത്സരത്തില്‍ മാറ്റുരയ്ക്കുന്നത്. ഇന്ന്, റു​വൈ​സി​ലാ​ണ് ടൂറിന് ​ തു​ട​ക്കമാകുന്നത്.

വിവിധ ഘട്ടങ്ങളായാണ് മത്സരങ്ങള്‍. ആ​ദ്യ ഘ​ട്ട​ത്തി​ൽ അ​ബൂ​ദ​ബി വ​രെ 177 കി​ലോ​മീ​റ്റ​റു​ണ്ടാ​വും. ര​ണ്ടാം ഘ​ട്ടം ഹു​ദൈ​റി​യ​ത്ത്​ ഐ​ല​ൻ​ഡി​ലേ​ക്കു​ള്ള 13 കി​ലോ​മീ​റ്റ​റായിരിക്കും. മൂ​ന്നാം ഘ​ട്ട​ത്തി​ൽ അ​ബൂ​ദ​ബി​ അലൈന്‍ 162 കി​ലോ​മീ​റ്റ​റാണ് കടന്നുപോകേണ്ടത്. ഇതില്‍ തന്നെ ജ​ബ​ൽ ഹ​ഫീ​തി​ലെ പ​ത്ത്​ കി​ലോ​മീ​റ്റ​ർ ദു​ർ​ഘ​ട പാ​തയും ക​ട​ക്ക​ണം.നാ​ല്, അ​ഞ്ച്​ ഘ​ട്ട​ങ്ങ​ളി​ൽ റാ​സ​ൽ​ഖൈ​മ, ഉ​മ്മു​ൽ ഖു​വൈ​ൻ, ഫു​ജൈ​റ എ​ന്നി​വ വ​ഴി 374 കി​ലോ​മീ​റ്റ​ർ പി​ന്നി​ട​ണം. ഇ​തി​നി​ട​യി​ലാ​ണ്​ ജ​ബ​ൽ ജൈ​സും അ​ൽ ബ​ർ​ജാ​ൻ ദ്വീ​പും. ആ​റാം​ഘ​ട്ടമാണ് ദു​ബായില്‍ ന​ട​ക്കുക. അ​വ​സാ​ന ദി​നം തി​രി​ച്ച്​ അ​ബൂ​ദ​ബി​യി​ൽ ത​ന്നെ എ​ത്തും. യാ​സ്​ മാ​ളി​ൽ നി​ന്നാ​രം​ഭി​ച്ച്​ ബ്രേ​ക്​ വാ​ട്ട​റി​ൽ അ​വ​സാ​നി​ക്കു​ന്ന 147 കി​ലോ​മീ​റ്റ​ർ പോ​രാ​ട്ട​ത്തി​നൊ​ടു​വി​ൽ ടൂറിന് പരിസമാപ്തിയാകും.