ലഹരിക്കെതിരായ പോരാട്ടത്തിന് നിയമസഭയുടെ കയ്യടി ; ‘ആഘോഷം’ ടീമിനെ ആദരിച്ച് സ്പീക്കർ

തിരുവനന്തപുരം: ലഹരി എന്ന വിപത്തിനെതിരെ ശക്തമായ സാമൂഹിക സന്ദേശം ഉയർത്തിപ്പിടിച്ച ‘ആഘോഷം’ എന്ന സിനിമയ്ക്ക് കേരള നിയമസഭയുടെ അംഗീകാരം. നിയമസഭ ഓഡിറ്റോറിയത്തിൽ നടന്ന ‘കൈരളിയുടെ ഈണം’ എന്ന സാംസ്‌കാരിക പരിപാടിയുടെ ഭാഗമായി ചിത്രത്തിന്റെ അണിയറ പ്രവർത്തകർ സ്പീക്കർ എഎൻ ഷംസീറിൽ നിന്ന് ആദരം ഏറ്റുവാങ്ങി.

ലഹരിക്കെതിരായ ശക്തമായ സന്ദേശം പ്രചരിപ്പിക്കുന്ന സാമൂഹിക പ്രതിബദ്ധതയുള്ള ചിത്രമെന്ന നിലയിലാണ് ‘ആഘോഷം’ സിനിമയ്ക്ക് നിയമസഭ സ്പീക്കറിൽ നിന്ന് ആദരം ലഭിച്ചത്. പുതുതലമുറയെ കാർന്നു തിന്നുന്ന ലഹരി മാഫിയയ്ക്കെതിരെ ബോധവൽക്കരണവും പ്രതിരോധവും ലക്ഷ്യമിട്ടാണ് സിനിമ തയാറാക്കിയിരിക്കുന്നത്.

പ്രവാസി സംരംഭകരായ ഡോ. ലിസി കെ. ഫെർണാണ്ടസ്, പ്രിൻസ് പ്രോസി ഓസ്ട്രിയ എന്നിവരുടെ നേതൃത്വത്തിലുള്ള സിഎൻ ഗ്ലോബൽ മൂവീസാണ് ഈ ചിത്രം നിർമ്മിച്ചിരിക്കുന്നത്. ലഹരിയുടെ ദൂഷ്യഫലങ്ങളെക്കുറിച്ച് ഗൗരവകരമായ ചർച്ചകൾക്ക് ചിത്രം വഴിവെച്ചിരുന്നു. ഒരു സിനിമയ്ക്ക് നിയമസഭയുടെ പ്ലാറ്റ്‌ഫോമിൽ ലഭിക്കുന്ന ഈ ആദരം കലയും സാമൂഹിക പ്രതിബദ്ധതയും കൈകോർക്കുന്നതിന്റെ ഉത്തമ ഉദാഹരണമായി മാറി.

'Life is all about celebration' എന്ന ടാഗ്‌ലൈനോട് കൂടി പ്രദർശനത്തിന് എത്തിയ ചിത്രം വിജയകരമായി രണ്ടാം വാരം പിന്നിട്ട് പ്രേക്ഷകരുടെ മനം കീഴടക്കുകയാണ്. അമൽ കെ ജോബിയാണ് സംവിധാനം. വിജയ രാഘവൻ, നരേൻ, റോസ്മിൻ, ധ്യാൻ ശ്രീനിവാസൻ, ജെയ്സ് ജോസ്, ജോണി ആൻ്റണി, രൺജി പണിക്കർ, അജു വർഗീസ്, ബോബി കുര്യൻ, ഷാജു ശ്രീധർ, മഖ്ബൂൽ സൽമാൻ, കോട്ടയം രമേശ്, കൈലാഷ്, ദിവ്യദർശൻ, റുഷിൻ ഷാജി കൈലാസ്, നിഖിൽ രൺജി പണിക്കർ, വിജയ് നെല്ലിസ്, നാസർ ലത്തീഫ്, ഡിനി ഡാനിയേൽ, ടൈറ്റസ് ജോൺ, ജോയ് ജോൺ ആന്റണി, അഞ്ജലി ജോസഫ്, ജെൻസ് ജോസ് എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നുണ്ട്.

പശ്ചാത്തല സംഗീതം 4 മ്യൂസിക്. ഛായാഗ്രഹണം- റോജോ തോമസ്, എഡിറ്റിംഗ് -ഡോൺ മാക്സ്. ചീഫ് അസോസിയേറ്റ് ഡയറക്ടർ -അമൽദേവ് കെ.ആർ, പ്രൊജക്റ്റ് ഡിസൈനർ -ടൈറ്റസ് ജോൺ. പ്രൊഡക്ഷൻ കൺട്രോളർ- നന്ദു പൊതുവാൾ. കലാസംവിധാനം- രജീഷ് കെ സൂര്യ. മേക്കപ്പ്-മാളൂസ് കെ പി. കോസ്റ്റ്യൂം ഡിസൈൻ- ബബിഷ കെ. രാജേന്ദ്രൻ.

കൊറിയോഗ്രാഫേഴ്സ്- സനോജ് ഡെൽഗ ഡോസ്, അന്ന പ്രസാദ്, ശ്യാം ഡോക്. പ്രൊഡക്ഷൻ എക്സിക്യൂട്ടീവ്സ്- പ്രണവ് മോഹൻ, ആൻ്റണി കുട്ടമ്പുഴ. പിആർഒ- മഞ്ജു ഗോപിനാഥ്. സ്റ്റിൽസ് -ജയ്സൺ ഫോട്ടോലാൻ്റ്. ഡിസൈൻസ് -പ്രമേഷ് പ്രഭാകർ.