ന്യൂഡല്ഹി: ജനങ്ങളോടുള്ള പ്രധാനമന്ത്രി നരേന്ദ്ര മോഡിയുടെ അഭ്യര്ഥനകള് വെറും ഉപദേശങ്ങളല്ലെന്നും പരാജയത്തിന്റെ തെളിവുകള് ആണെന്നും ലോക്സഭ പ്രതിപക്ഷ നേതാവ് രാഹുല് ഗാന്ധി. അമേരിക്കയും ഇറാനും തമ്മിലുള്ള യുദ്ധത്തിന്റെ ഭാഗമായുള്ള ആഘാതം കുറയ്ക്കുന്നതിനായി വര്ക് ഫ്രം ഹോം രീതിയിലേക്ക് മാറുന്നതും സ്വര്ണം വാങ്ങുന്നത് ഒഴിവാക്കുന്നതും ഉള്പ്പെടെയുള്ള മാറ്റങ്ങള് വരുത്താന് പ്രധാനമന്ത്രി നരേന്ദ്ര മോഡി ഇന്നലെ അഭ്യര്ഥിച്ചിരുന്നു.
'സ്വര്ണം വാങ്ങരുത്, വിദേശത്ത് പോകരുത്, പെട്രോള് ഉപയോഗം കുറയ്ക്കണം, മെട്രോ ഉപയോഗിക്കണം, വീട്ടിലിരുന്ന് ജോലി ചെയ്യണം എന്നാണ് പ്രധാനമന്ത്രി പറയുന്നത്. 12 വര്ഷത്തിനുള്ളില് അദേഹം രാജ്യത്തെ എത്തിച്ചിരിക്കുന്നത് ഇത്തരമൊരു അവസ്ഥയിലാണ്. എന്ത് വാങ്ങണം, എന്ത് വാങ്ങരുത്, എവിടെ പോകണം, എവിടെ പോകരുത് എന്ന് ജനങ്ങളോട് പറയേണ്ടി വരുന്നു. ഓരോ തവണയും ഉത്തരവാദിത്തങ്ങളില്നിന്ന് സ്വയം രക്ഷപ്പെടാന് ജനങ്ങളുടെ മേല് നിയന്ത്രണങ്ങള് അടിച്ചേല്പ്പിക്കുന്നു' രാഹുല് സമൂഹ മാധ്യമത്തില് കുറിച്ചു.
കോണ്ഗ്രസ് നേതാവ് കെ സി വേണുഗോപാലും പ്രധാനമന്ത്രിയെ വിമര്ശിച്ചു. യുദ്ധം തുടങ്ങി ആഴ്ചകള് പിന്നിട്ടിട്ടും ഇന്ത്യയുടെ ഊര്ജ സുരക്ഷ ഉറപ്പാക്കുന്നതില് മോദിക്ക് ഒരു ധാരണയുമില്ലെന്ന് കുറ്റപ്പെടുത്തി. കോവിഡ് കാലത്തെപ്പോലെ ഇന്ധനം ലാഭിക്കുന്നതിനായി കഴിയുന്നവരെല്ലാം വര്ക് ഫ്രം ഹോമിലേക്ക് മാറണമെന്നാണ് ഞായറാഴ്ചത്തെ പ്രസംഗത്തില് മോഡി അഭ്യര്ഥിച്ചത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.