കല്പറ്റ: വയനാട് തുരങ്കപാത നിര്മാണ സ്ഥലത്ത് ഉണ്ടായ വന് മണ്ണിടിച്ചിലിനെ തുടര്ന്ന് പദ്ധതിയുടെ നിര്മാണ പ്രവര്ത്തനങ്ങള് പൂര്ണമായും നിര്ത്തിവെക്കാന് ഉത്തരവായി. അപകടത്തെക്കുറിച്ച് സാങ്കേതികവും നിയമപരവുമായ സമഗ്ര അന്വേഷണം നടത്തുമെന്ന് മുഖ്യമന്ത്രി വി.ഡി സതീശന് വാര്ത്താ സമ്മേളനത്തില് അറിയിച്ചു. കേന്ദ്ര സര്ക്കാരിന്റെ പാരിസ്ഥിതിക അനുമതിയിലെ നിബന്ധനകള് കൃത്യമായി പാലിച്ചിട്ടുണ്ടോ എന്ന് പരിശോധിച്ച ശേഷം മാത്രമേ നിര്മാണം പുനരാരംഭിക്കുകയുള്ളൂ.
സംഭവത്തില് പൊലീസ് എഫ്.ഐ.ആര് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്. എന്.ഡി.ആര്.എഫിന്റെ 60 അംഗ സംഘവും ഫയര്ഫോഴ്സിന്റെ 250 പേരടങ്ങുന്ന സംഘവും പൊലീസും ചേര്ന്നാണ് ദുരന്ത മേഖലയില് രക്ഷാ പ്രവര്ത്തനം നടത്തുന്നത്. മേഖലയില് പെയ്യുന്ന കനത്ത മഴ തിരച്ചിലിന് വലിയ തടസം സൃഷ്ടിക്കുന്നുണ്ട്. കാണാതായ അഞ്ച് പേര്ക്കായുള്ള തിരച്ചില് പുഴയോരങ്ങളിലേക്കും വ്യാപിപ്പിച്ചിട്ടുണ്ട്. അപകടത്തില് മൂന്ന് പേര് മരണപ്പെടുകയും പത്ത് പേര്ക്ക് പരിക്കേല്ക്കുകയും ചെയ്തു. പരിക്കേറ്റവരില് മൂന്ന് പേര് തീവ്ര പരിചരണ വിഭാഗത്തില് ചികിത്സയിലാണ്.
ദുരന്തത്തില് മരണപ്പെട്ടവരുടെ കുടുംബങ്ങള്ക്ക് അഞ്ച് ലക്ഷം രൂപ വീതവും പരിക്കേറ്റവര്ക്ക് പൂര്ണമായ സൗജന്യ ചികിത്സയും സര്ക്കാര് പ്രഖ്യാപിച്ചു. പ്രദേശത്ത് ഇനിയും മണ്ണിടിച്ചില് സാധ്യതയുള്ളതിനാല് അപകട മേഖലകളില് നിന്ന് ആളുകളെ സുരക്ഷിത സ്ഥാനങ്ങളിലേക്ക് മാറ്റിപ്പാര്പ്പിച്ചു വരികയാണ്. വയനാട്ടിലെ ദുര്ബലമായ മണ്ണിന്റെ ഘടന കണക്കിലെടുത്ത് സമഗ്രമായ പാരിസ്ഥിതിക പഠനം നടത്തുമെന്നും അപകട ഭീഷണി നേരിടുന്ന മുഴുവന് കുടുംബങ്ങള്ക്കും സ്ഥിരമായ പുനരധിവാസം ഉറപ്പാക്കുമെന്നും സര്ക്കാര് അറിയിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.