വരും തലമുറയ്ക്കായ് ഒരു തൈ

ഭൂമീ ദേവിതൻ നന്മക്കായ് നമുക്കൊരു തൈ നടാം...
തണലിനായ്, കായ് കനികൾക്കായ്...
നല്ല മഴക്കായ്... ജലസ്രോതസ്സിനായ്...
കൊടും വേനൽ ചൂടിനന്ത്യമേകുവാൻ....!!!

കാനന ഭംഗിക്കായ്; നല്ല ശ്വാസത്തിനായ് -
കുളിർക്കാറ്റിനായ്... സൂര്യാതാപമകറ്റുവാൻ...
ഏറെ കിളികൾക്കൊരു  പാർപ്പിടമേകുവാൻ -
ഇന്നൊരു തൈ നടാം.. മാതൃക കാട്ടിടാം...!!!

തണൽ മരമൊന്നിനായ്- തൈ നടാം കൂട്ടരേ...
പ്രകൃതിദുരന്തങ്ങളന്യമായ്‌ തീരുവാൻ...
പൂമരശ്രേണികൾ വിരിയട്ടെ ചുറ്റിലും...
വർണ്ണാഭമാകട്ടെ ദൈവത്തിൻ നാടിത്...!!!

ജലമെന്നും ജീവന്നാധാരമാണെന്ന് -
മറന്നീടുന്നോ പുതു തലമുറയേ....???
പുഴകളും നദികളും വറ്റി വരണ്ടു....
നന്മ നിളയെന്നോ നിശ്ചലമായി...!!!😥

പ്ലാസ്റ്റിക്കിനോടായ് വിടചൊല്ലി.. നാം...
പ്രതിജ്ഞാബദ്ധരായ് മാറീടണം...
ജലസമ്പത്തൊക്കെയും സംരക്ഷിച്ചീടുവാൻ..
മുന്നിട്ടിറങ്ങേണം നാമേവരും...!!!

അരുതരുതേ നാം ഹനിക്കരുതേ...
മരങ്ങളിനിയും നാം മുറിക്കരുതേ...
മലനാട് മാറി.. മരുഭൂമിയാകുമ്പോൾ..
മാലിന്യ ക്കൂമ്പാരമെങ്ങുമേറെ...!!!

വിഷമയമില്ലാത്ത കായ്കനി ഭക്ഷിക്കാൻ...
നാമൊന്നു ചേരണം കൂട്ടുകാരെ...
ആരോഗ്യമാണ്- സമ്പത്തെന്നോർക്കുക...
സാദരം പ്രകൃതിയെ സ്നേഹിച്ചീടാം...!!!

അടുക്കള തോട്ടങ്ങൾ പരിരക്ഷിച്ചീടണം...
അലസത കൂടാതെ... ദിനംതോറുമേ.....
മഴവെള്ളമാഴ്ത്തി ഭൂമിയെ രക്ഷിക്കാം...
വേനൽ ചൂടിനെ ചെറുത്തു നിൽകാം...!

വനസമ്പത്തെന്നുമെ... നമുക്കിവിടാശ്രയം...
ജീവന്റെ ശ്വാസം നിലനിൽക്കും നാൾ വരെ..
ഓരോരോ തൈകളെയും ലാളനം ചെയ്തീടാം....
വൻമരമാകുവാൻ പരിലാളനം ചെയ്തീടാം...!!!