6 എ എം പ്രെയർ വാരിയർസ് - സീറോ-മലബാർ മെൽബൺ രൂപത യൂത്ത് അപ്പസ്റ്റലേറ്റ് യാമപ്രാത്ഥനകൾ ആരംഭിച്ചു

മെൽബൺ: സീറോ-മലബാർ മെൽബൺ രൂപത  യൂത്ത് മൂവ്മെന്റിന്റെ  നേതൃത്വത്തിൽ യാമപ്രാത്ഥനകൾ പരിശുദ്ധ മറിയത്തിന്റെ മാതാപിതാക്കളായ ജോക്കിമിന്റെയും അന്നയുടെയും തിരുനാൾ ദിനമായ ജൂലൈ 26-ന് ആരംഭിച്ചു. എല്ലാ ദിവസവും രാവിലെ 6 മണിക്ക് (മെൽബൺ, സിഡ്നി, കാൻ‌ബെറ-സമയം) ഓൺലൈൻ വഴിയാണ് സപ്ര യാമപ്രാർത്ഥന നടത്തുന്നത്.

സപ്രായെത്തുടർന്നു അതാതു ദിവസത്തെ ആരാധനാക്രമ വായനകളിൽനിന്നുള്ള ബൈബിൾ വിചിന്തനവും, മധ്യസ്ഥ പ്രാർത്ഥനയും നടത്തപ്പെടുന്നു.സീറോ മലബാർ സഭയുടെ ഔദ്യോഗിക പ്രാർത്ഥനയാണ് യാമപ്രാർത്ഥനകൾ. പ്രധാനമായും സങ്കീർത്തനങ്ങൾ ചൊല്ലിയാണ് യാമപ്രാർത്ഥനയിൽ പ്രാർത്ഥിക്കുന്നത്. യാമങ്ങൾ തോറും പ്രാർത്ഥിക്കുക എന്ന പാരമ്പര്യത്തിലധിഷ്ഠിതമാണ് ഈ പ്രാത്ഥനാ രീതി.