കേന്ദ്ര ബഹിരാകാശ വകുപ്പിനു കീഴിലുള്ള തിരുവനന്തപുരത്തെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സ്പേസ് സയന്‍സ് ആന്‍ഡ് ടെക്നോളജി (ഐ.ഐ.എസ്.ടി) അണ്ടര്‍ ഗ്രാജ്വേറ്റ് പ്രോഗ്രാമുകളില്‍ പ്രവേശനത്തിന് അപേക്ഷ ക്ഷണിച്ചു. പ്രവേശന വിജ്ഞാപനവും ഇന്‍ഫര്‍മേഷന്‍ ബ്രോഷറും www.iist.ac.in/admissions/undergraduateല്‍നിന്ന് ഡൗണ്‍ലോഡ് ചെയ്യാം.
ബി.ടെക് (നാലു വര്‍ഷം)- എയ്റോസ്പേസ് എന്‍ജിനീയറിങ്- സീറ്റുകള്‍ -70, ഇലക്ട്രോണിക്സ് ആന്‍ഡ് കമ്യൂണിക്കേഷന്‍ എന്‍ജിനീയറിങ് (ഏവിയോണിക്സ്) -70.
ഡ്യുവല്‍ ഡിഗ്രി (അഞ്ചു വര്‍ഷം)- ബി.ടെക്+ എം.എസ്സി/എം.ടെക് -22 (എം.എസ്സി കോഴ്സില്‍ അസ്ട്രോണമിയും അസ്ട്രോ ഫിസിക്സും സോളിഡ് സ്റ്റേറ്റ് ഫിസിക്സും എം.ടെക് കോഴ്സില്‍ എര്‍ത്ത് സിസ്റ്റം സയന്‍സും ഒപ്ടിക്കല്‍ എന്‍ജിനീയറിങ്ങും പഠിക്കാം). ബി.ടെക് കോഴ്സില്‍ എന്‍ജിനീയറിങ് ഫിസിക്സാണ് പഠിക്കേണ്ടത്.
പ്രവേശന യോഗ്യത: ഭാരത പൗരന്മാരായിരിക്കണം. ജനറല്‍, ഇ.ഡബ്ല്യു.എസ്, ഒ.ബി.സി-എന്‍.സി.എല്‍ വിഭാഗത്തില്‍പെടുന്നവര്‍ 1996 ഒക്ടോബര്‍ ഒന്നിനോ അതിനുശേഷമോ ജനിച്ചവരാകണം. എസ്.സി/എസ്.ടി/പി.ഡി (ഭിന്നശേഷി) വിഭാഗങ്ങളില്‍പെടുന്നവര്‍ 1991 ഒക്ടോബര്‍ ഒന്നിനോ അതിനുശേഷമോ ജനിച്ചവരായിരുന്നാല്‍ മതി.
ഫിസിക്സ്, കെമിസ്ട്രി, മാത്തമാറ്റിക്സ് വിഷയങ്ങളോടെ ഹയര്‍ സെക്കന്‍ഡറി/പ്ലസ്ടു/തത്തുല്യ ബോര്‍ഡ് പരീക്ഷ പാസായിരിക്കണം. ഇക്കൊല്ലം മാര്‍ക്ക് നിബന്ധനകളില്ല. ജെ.ഇ.ഇ (അഡ്വാന്‍സ്ഡ്) 2021ല്‍ ജനറല്‍ വിഭാഗത്തില്‍പെടുന്നവര്‍ ഫിസിക്സ്, കെമിസ്ട്രി, മാത്തമാറ്റിക്സ് വിഷയത്തില്‍ ഓരോന്നിനും നാലു ശതമാനം മാര്‍ക്കില്‍ കുറയാതെയും മൊത്തത്തില്‍ 16 ശതമാനം മാര്‍ക്കില്‍ കുറയാതെയും നേടിയിരിക്കണം. ഇ.ഡബ്ല്യു.എസ്, ഒ.ബി.സി-എന്‍.സി.എല്‍ വിഭാഗത്തില്‍പെടുന്നവര്‍ക്ക് യഥാക്രമം 3.6 ശതമാനം, 14.4 ശതമാനം മാര്‍ക്കും എസ്.സി/എസ്.ടി/പി.ഡി വിഭാഗങ്ങളില്‍പെടുന്നവര്‍ക്ക് യഥാക്രമം രണ്ട് ശതമാനം, എട്ട് ശതമാനം മാര്‍ക്കും മതിയാകും.
രജിസ്ട്രേഷന്‍ ഫീസ് ജനറല്‍, ഇ.ഡബ്ല്യു.എസ്, ഒ.ബി.സി-എന്‍.സി.എല്‍ വിഭാഗത്തില്‍പെടുന്ന പുരുഷന്മാര്‍ക്ക് 600 രൂപ. വനിതകള്‍ക്കും എസ്.സി/എസ്.ടി/പി.ഡി വിഭാഗങ്ങളില്‍പെടുന്നവര്‍ക്കും 300 രൂപ മതി.രജിസ്ട്രേഷന്‍ http://admission.iist.ac.inല്‍ അണ്ടര്‍ ഗ്രാജ്വേറ്റ് അഡ്മിഷന്‍ 2021 ലിങ്കില്‍ ഒക്ടോബര്‍ 20നകം സമര്‍പ്പിക്കണം. ഇതിനുള്ള നിര്‍ദേശങ്ങള്‍ ഇന്‍ഫര്‍മേഷന്‍ ബ്രോഷറിലുണ്ട്.അഡ്മിഷന്‍ റാങ്ക്ലിസ്റ്റ് ഒക്ടോബര്‍ 21ന് പ്രസിദ്ധപ്പെടുത്തും. സീറ്റ് അലോട്ട്മെന്റ് ഒക്ടോബര്‍ 23ന് ആരംഭിക്കും. കൂടുതൽ അന്വേഷണങ്ങള്‍ക്ക് [email protected].
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.