തിരുവനന്തപുരം: മുല്ലപ്പെരിയാര് വിഷയത്തില് സര്ക്കാരിനും മുഖ്യമന്ത്രിക്കുമെതിരെ അതിരൂക്ഷ വിമര്ശനവുമായി പ്രതിപക്ഷ നേതാവ് വി.ഡി സതീശന്. മുല്ലപ്പെരിയാര് വിഷയത്തില് മുഖ്യമന്ത്രിയും സര്ക്കാരും ആരെയോ ഭയപ്പെടുന്ന പോലെയാണ് പെരുമാറുന്നതെന്ന് സതീശന് കുറ്റപ്പെടുത്തി.
മുല്ലപ്പെരിയാര് വിഷയത്തില് കേരള സര്ക്കാരും മുഖ്യമന്ത്രിയും നിഷ്ക്രിയമാണ്. മേല്നോട്ട സമിതി യോഗം ചേരണമെന്നു പോലും ആവശ്യപ്പെടാത്ത കേരള സര്ക്കാര് കൈയ്യുംകെട്ടി നോക്കിയിരിക്കുകയാണ്. തമിഴ്നാട് ജലം തുറന്നുവിടുന്നത് വേദനാജനകമാണെന്ന ജലവിഭവ വകുപ്പ് മന്ത്രിയുടെ പ്രസ്താവന പരിഹാസ്യമാണ്. മുഖ്യമന്ത്രി ആരുമായും ചര്ച്ച നടത്തുന്നില്ല. മിണ്ടാതിരുന്ന് യഥാര്ഥ പ്രശ്നങ്ങളില് നിന്നും ഒളിച്ചോടാനാണ് ശ്രമിക്കുന്നത്. ജനങ്ങള് ബുദ്ധിമുട്ടുമ്പോഴും സര്ക്കാര് അരെയോ ഭയപ്പെടുന്നതു പോലെയാണ് പെരുമാറുന്നത്. പ്രതിപക്ഷം ഉന്നയിക്കുന്ന ചോദ്യങ്ങള്ക്ക് മറുപടി നല്കാതെ ഒളിച്ചോടുന്ന മുഖ്യമന്ത്രി, ജനങ്ങളെ നേരിട്ടു ബാധിക്കുന്ന മുല്ലപ്പെരിയാര് വിഷയത്തിലെങ്കിലും തീരുമാനമെടുക്കണമെന്ന് വി. ഡി സതീശൻ ആവശ്യപ്പെട്ടു
മേല്നോട്ട സമിതിയുടെ നിര്ദേശങ്ങള്ക്ക് വിരുദ്ധമായി ഒരാഴ്ചയായി മുല്ലപ്പെരിയാറില് നിന്നും രാത്രികാലങ്ങളില് വെള്ളം ഒഴുകി വിട്ടു. പെരിയാര് തീരത്തെ ജനങ്ങള് അങ്ങേയറ്റം ദയനീയമായ അവസ്ഥയിലാണെന്ന് അദ്ദേഹം ഓർമ്മിപ്പിച്ചു. എന്നാൽ സ്ഥിതി ഇത്രയും ഗുരുതരമായിട്ടും ഇതേക്കുറിച്ച് ഒന്നു പ്രതികരിക്കാന് പോലും മുഖ്യമന്ത്രി തയ്യാറായില്ലെന്നും വി.ഡി സതീശന് വിമര്ശിച്ചു.
https://www.facebook.com/VDSatheeshanParavur/videos/205958091704788/
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26