' ജീവാശം'; പുതിയ ആൽബം ഗാനവുമായി നൈഗ സനു

പതിനൊന്നു വയസുകാരിയായ ന്യൂസിലാന്റുകാരി നൈഗ സനുവിന്റെ പുതിയ ആൽബം ജീവാശം പുറത്തിറങ്ങുന്നു. പിറക്കാൻ കൊതിച്ചിട്ടും പിഴുതെറിയപ്പെടുന്ന കുഞ്ഞു മാലാഖമാർക്കായി സമർപ്പിച്ചിരിക്കുന്ന ഈ ആൽബത്തിൽ ജീവന്റെ മഹത്വം മനോഹരമായി അവതരിപ്പിച്ചിരിക്കുന്നു.

ദൈവത്തിന്റെ ദാനമായ ഓരോ കുഞ്ഞും സംരക്ഷിക്കപ്പെടണം എന്നും ഒരു കുഞ്ഞും ആർക്കും ഒന്നിനും തുടസമാവില്ലെന്നുമാണ് ഈ ആൽബത്തിൽ പറഞ്ഞു വെക്കാൻ ശ്രമിച്ചിരിക്കുന്നത്.

ജീവന്റെ സംരക്ഷണത്തിന്റെ മനോഹരമായ സന്ദേശം നൽകുന്ന ഈ ആൽബം പൂർണമായും ന്യൂസിലാന്റിലാണ് ചിത്രീകരിച്ചിരിക്കുന്നത്. അനിൽ പറവൂരിന്റെ വരികൾക്ക് ഷിജോ കുര്യൻ സംഗീതം നൽകിയിരിക്കുന്നു. എഴുതി സംവിധാനം നിർവഹിച്ചിരിക്കുന്നത് അർജുൻ ഭാസ്കർ. ചിത്രീകരണം ഷെലിൻ ഷെൽസ്, എഡിറ്റിങ്, ബിജിഎം ശങ്കർ നാരായണൻ.