പ്രായക്കൂടുതല്‍ തോന്നിപ്പിയ്ക്കുന്ന പല കാരണങ്ങളില്‍ പ്രധാനപ്പെട്ട ഒന്നാണ് മുഖത്ത് വീഴുന്ന ചുളിവുകള്‍. ഇതിന് പ്രായം മാത്രമല്ല, പല കാരണങ്ങളുമുണ്ട്. സ്ട്രെസ്, മുഖത്തെ മേയ്ക്കപ്പ് ഉപയോഗം, അന്തരീക്ഷ മലിനീകരണം എന്നിവയെല്ലാം തന്നെ മുഖത്തെ ചുളിവുകള്‍ ചെറുപ്പത്തില്‍ തന്നെ വീഴാന്‍ കാരണമാകും. പെട്ടെന്ന് ശരീരത്തിലെ, മുഖത്തെ കൊഴുപ്പ് പോകുന്നതും ഇതിന് കാരണമാകും. ഇതിന് പരിഹാരമായി വീട്ടില്‍ തന്നെ ചെയ്യാവുന്ന ചിലതുണ്ട്. ഇതിനായി വേണ്ട പ്രധാന ചേരുവ ഗ്രാമ്പൂവാണ്. ഗ്രാമ്പൂവിനൊപ്പം കോണ്‍സ്റ്റാര്‍ച്ച്, വൈറ്റമിന്‍ ഇ എന്നിവയെല്ലാം ചേര്‍ക്കാം.
ഗ്രാമ്പൂ സൗന്ദര്യപരമായ ഗുണങ്ങള്‍ കൂടി നല്‍കുന്ന ഒന്നാണ്. ഇതില്‍ ആന്റിഓക്സിഡന്റുകളുണ്ട്. ഗ്രാമ്പു ഫൈബര്‍, വിറ്റാമിന്‍ സി, വിറ്റാമിന്‍ കെ എന്നിവയാല്‍ സമ്പുഷ്ടമാണ്. മുഖക്കുരു ബാധിച്ച ചര്‍മ്മതിനുള്ള ഉത്തമ പ്രതിവിധിയാണ് ഗ്രാമ്പൂ എണ്ണ എന്ന് പറയപ്പെടുന്നു. ഗ്രാമ്പൂവിലെ ആന്റിഫംഗല്‍, ആന്റി ബാക്ടീരിയല്‍ ഗുണങ്ങളാണ് ചര്‍മ്മ പ്രശ്‌നങ്ങളെ ഫലപ്രദമായി നേരിടാന്‍ സഹായിക്കുന്നത്. മോശം ബാക്ടീരിയകളെ നശിപ്പിച്ച് വീക്കം നേരിടുന്നതിലൂടെ ചര്‍മ്മത്തിന്റെ ആരോഗ്യം മെച്ചപ്പെടുത്താനും ഗ്രാമ്പൂ സഹായിക്കുന്നു.
കറ്റാര്‍ വാഴ സൗന്ദര്യ ഗുണങ്ങള്‍ ഏറെ അടങ്ങിയ ഒന്നാണ്. വൈറ്റമിന്‍ ഇ സമ്പുഷ്ടമാണിത്. വരണ്ട ചര്‍മം പ്രായക്കൂടുതലും ചുളിവുമെല്ലാം വരുത്തുന്ന ഒന്നാണ്. വരണ്ട ചര്‍മത്തിനുള്ള നല്ലൊരു പരിഹാരം കൂടിയാണിത്. ഇതിലെ വൈറ്റമിന്‍ ഇ ചര്‍മത്തിന് ഏറെ സഹായകമാണ്. കറ്റാര്‍ ജെല്‍ ചര്‍മത്തിലേയ്ക്ക് ആഴ്ന്നിറങ്ങി ചര്‍മ കോശങ്ങള്‍ക്ക് തിളക്കവും മൃദുത്വവും നല്‍കും. ചര്‍മത്തിലെ ചുളിവുകള്‍ അകറ്റാനും ചുളിവുകള്‍ വരാതിരിയ്ക്കുവാനും കറ്റാര്‍ വാഴ ദിവസവും പുരട്ടുന്നത് ഏറെ നല്ലതാണ്.
വൈറ്റമിന്‍ ഇ നമ്മുടെ കോശങ്ങള്‍ക്ക് കേടു വരുത്തുന്ന ഫ്രീ റാഡിക്കലുകളെ തടയുന്നു. ഇതിനാല്‍ ആരോഗ്യം മാത്രമല്ല, കോശങ്ങളിലൂടെ സൗന്ദര്യത്തിനും ഇതു സഹായിക്കുന്നു. പലരും പ്രായക്കുറവിനും മറ്റും വൈറ്റമിന്‍ ഇ വാങ്ങിക്കഴിയ്ക്കുന്നതിന്റെ കാരണവു ഇതാണ്. ഇത് ഫാറ്റ് സോലുബിള്‍ വൈറ്റമിനാണ്. ഇത് ചര്‍മത്തിലെ ഇലാസ്റ്റിന്‍, കൊളാജന്‍ എന്നിവ വര്‍ധിപ്പിക്കുന്നു. ഇതെല്ലാം ചര്‍മത്തിന് ഇറുക്കം നല്‍കുന്ന, ചുളിവുകള്‍ നീക്കുന്ന ഒന്നാണ്. ഇതു പോലെ സ്ട്രെച്ച് മാര്‍ക്സ് പൂര്‍ണമായും മാറ്റാന്‍ ആകില്ലെങ്കിലും ഇതിന്റെ നിറം കുറയ്ക്കാന്‍ സാധിയ്ക്കും.
ഇതിന് വേണ്ടത് അല്‍പം ഗ്രാമ്പൂവാണ്. ഇത് നല്ലതു പോലെ പൊടിച്ച് വെള്ളത്തില്‍ ചേര്‍ത്ത് തിളപ്പിയ്ക്കണം. ചെറിയ തീയില്‍ തിളപ്പിച്ച് ഇതിന്റെ ഗുണം മുഴുവന്‍ വെള്ളത്തിലേയ്ക്ക് ഇറങ്ങാന്‍ അനുവദിയ്ക്കണം. പിന്നീട് ഊറ്റിയെടുക്കണം. ഈ വെള്ളത്തില്‍ അല്‍പം കോണ്‍സ്റ്റാര്‍ച്ച് ചേര്‍ത്തിളക്കി ചൂടാക്കി ഇത് അല്‍പം കട്ടിയുള്ള മിശ്രിതമാക്കി മാറ്റുക. ഇതിലേയ്ക്ക് കറ്റാര്‍ വാഴ ജെല്‍ ചേര്‍ത്തിളക്കണം. ഇതുപോലെ വൈറ്റമിന്‍ ഇ ഓയില്‍ ചേര്‍ത്തിളക്കി മുഖത്ത് പുരട്ടാം. മുഖത്തെ ചുളിവുകള്‍ നീങ്ങാന്‍ ഇതേറെ നല്ലതാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.