ദുബായ്: ഒക്ടോബർ ഒന്നിന് എക്സ്പോ ആരംഭിച്ചതുമുതല്‍ ഇന്ത്യന്‍ പവലിയനില്‍ എത്തിയത് ദശലക്ഷം സന്ദ‍ർശകരെന്ന് കണക്കുകള്‍. 1,007,514 പേരാണ് ഫെബ്രുവരി 14 വരെ പവലിയനിലേക്ക് എത്തിയത്.
നമ്മുടെ ശതകോടി സ്വപ്നങ്ങൾക്കായി ഒരു ദശലക്ഷം ഹൃദയങ്ങൾ തുടിക്കുന്നു! ഇന്ത്യ പവലിയൻ ഒരു പുതിയ നാഴികക്കല്ല് അടയാളപ്പെടുത്തുമ്പോൾ ഇത് അഭിമാന നിമിഷമാണ്.
പുതിയ ഇന്ത്യാ യാത്ര ലോകത്തെ ആകർഷിച്ചു, ഇന്ത്യയുടെ വാണിജ്യ, വ്യവസായ, ഉപഭോക്തൃ കാര്യ, ഭക്ഷ്യ, പൊതുവിതരണ, ടെക്സ്റ്റൈൽസ് മന്ത്രി പിയൂഷ് ഗോയൽ ട്വീറ്റ് ചെയ്തു.
അഭിമാനത്തിന്‍റെ നിമിഷങ്ങളാണ്.
എക്സ്പോ 2020 ദുബായിലെ പ്രധാന ആകർഷണങ്ങളിലൊന്നാണ് ഇന്ത്യ പവലിയൻ, ലോകമെമ്പാടുമുള്ള സന്ദർശകരിൽ നിന്ന് നല്ല അഭിപ്രായമാണ് പവലിയനെ കുറിച്ച് ലഭിക്കുന്നതെന്ന് യുഎഇയിലെ ഇന്ത്യൻ അംബാസഡർ സഞ്ജയ് സുധീർ പറഞ്ഞു.
യുഎഇയുടെയും സമന്വയങ്ങളും പങ്കിട്ട കാഴ്ചപ്പാടുകളും പരസ്പര പൂരക ശക്തികളും പ്രദർശിപ്പിക്കുന്ന ഒരു ലെഗസി പവലിയനാണ് ഇന്ത്യ പവലിയൻ. ഇന്ത്യയുടെ കഴിവും ഊർജ്ജസ്വലമായ സാംസ്കാരിക വൈവിധ്യവും പ്രദർശിപ്പിക്കാനുള്ള മികച്ച അവസരമാണ് എക്സ്പോ നല്‍കിയതെന്ന് പവലിയന്‍ അധികൃതർ ട്വീറ്റ് ചെയ്തു.
കഴിഞ്ഞ വാരം ഇന്ത്യന്‍ പവലിയനില്‍ കേരളാ വീക്ക് നടന്നിരുന്നു. നിലവില്‍ ആന്ധ്ര പ്രദേശ് വാരമാണ് ഇന്ത്യന്‍ പവലിയനില്‍ പുരോഗമിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.