തിരുവനന്തപുരം: ദക്ഷിണാഫ്രിക്കയ്ക്ക് എതിരായ ട്വന്റി 20 മത്സരത്തിനായി ഇന്ത്യന് ടീം തിരുവനന്തപുരം വിമാനത്താവളത്തിലെത്തി. ഇന്ന് വൈകിട്ട് 4.30 ഓടെ വിമാനത്താവളത്തിലെത്തിയ രോഹിതിനെയും സംഘത്തെയും ആവേശത്തോടെയാണ് ആരാധകര് വരവേറ്റത്. മറ്റന്നാളാണ് ഇന്ത്യ-ദക്ഷിണാഫ്രിക്ക ട്വന്റി-20 പരമ്പരയിലെ ആദ്യ മത്സരം.
മത്സരത്തിനായി കഴിഞ്ഞ ദിവസമാണ് ദക്ഷിണാഫ്രിക്കന് ടീമെത്തിയത്. മത്സരത്തിന്റെ 73 ശതമാനം ടിക്കറ്റുകളും വിറ്റു കഴിഞ്ഞു. ഇതിനോടകം 23,000 ടിക്കറ്റുകളാണ് വിറ്റത്. 1400 അപ്പര് ടിയര് ടിക്കറ്റുള്പ്പടെ 5200 ടിക്കറ്റുകളാണ് ഇനി ബാക്കിയുള്ളത്.
1500 രൂപയാണ് അപ്പര് ടിയര് ടിക്കറ്റ് നിരക്ക്. പവലിയന് 2,750 രൂപയും കെസിഎ ഗ്രാന്ഡ് സ്റ്റാന്ഡിന് ഭക്ഷണമടക്കം 6000 രൂപയുമാണ് നിരക്ക്. സ്റ്റേഡിയത്തില് പ്രവേശിക്കുന്നതിന് ടിക്കറ്റിനൊപ്പം ഫോട്ടോ ഐഡി കൂടി കാണിക്കണം. ഒരു ഇമെയില് ഐഡിയില് നിന്നും ഒരാള്ക്ക് 3 ടിക്കറ്റുകള് എടുക്കാവുന്നതാണ്.
ഇങ്ങനെ എടുക്കുന്ന മൂന്ന് ടിക്കറ്റിലും ടിക്കറ്റ് എടുത്ത ആളുടെ പേര് രേഖപ്പെടുത്തിയിരിക്കും. ഈ ടിക്കറ്റിനൊപ്പം സ്വന്തം ഫോട്ടോ ഐഡി കാണിച്ച് മറ്റുള്ളവര്ക്കും സ്റ്റേഡിയത്തില് പ്രവേശിക്കാവുന്നതാണ്.
ടിക്കറ്റുമായി ബന്ധപ്പെട്ടുള്ള സംശയങ്ങള്ക്ക് [email protected] എന്ന മെയില് ഐഡിയില് ബന്ധപ്പെടാവുന്നതാണ്. സംസ്ഥാനത്തെ അക്ഷയ കേന്ദ്രങ്ങള് വഴിയും ആവശ്യക്കാര്ക്ക് ടിക്കറ്റ് എടുക്കാവുന്നതാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26