പാലക്കാട്: ഒൻപത് പേരുടെ മരണത്തിനിടയാക്കിയ വടക്കാഞ്ചേരിയിലെ വാഹനാപകടത്തിന് കാരണമായ ടൂറിസ്റ്റ് ബസിന്റെ ഡ്രൈവര് ആശുപത്രിയില് നിന്ന് മുങ്ങിയതായി വിവരം. ലൂമിനസ് ബസിലെ ഡ്രൈവര് ജോമോനെ നിലവില് പോലീസിന് കസ്റ്റഡിയിലെടുക്കാനായിട്ടില്ല.
പുലര്ച്ചെ മൂന്നരയോടെ പോലീസുകാരാണ് ഡ്രൈവര് ജോമോനെ വടക്കഞ്ചേരി ഇ.കെ.നായനാര് ആശുപത്രിയിലെത്തിച്ചത്. പത്രോസ് എന്ന പേരിലാണ് ജോമോൻ ചികിത്സ തേടിയത്. അദ്ധ്യാപകൻ എന്നാണ് ഇയാൾ ആശുപത്രി ജീവനക്കാരോട് പറഞ്ഞത്. തുടര്ന്ന് ഒന്നര മണിക്കൂറിന് ശേഷം ഇയാള് ആശുപത്രിയില് നിന്ന് പോയെന്നാണ് ആശുപത്രി അധികൃതർ പറയുന്നത്. കാര്യമായ പരിക്കുണ്ടായിരുന്നില്ല.
കൈയിലും കാലിലും ചെറിയ രീതിയില് തൊലിയുരിഞ്ഞതേ ഉണ്ടായിരുന്നുള്ളൂ. എക്സ് റേ എടുത്ത് പരിശോധിച്ചിരുന്നു. പൊട്ടലോ ചതവോ ഉണ്ടായിട്ടില്ലെന്ന് വ്യക്തമായിരുന്നു. പ്രാഥമിക ചികിത്സക്ക് ശേഷം എറണാകുളത്ത് നിന്ന് ബസിന്റെ ഉടമസ്ഥരാണെന്ന് കരുതുന്നവര്ക്കൊപ്പമാണ് ഇയാള് പോയതെന്നാണ് സംശയിക്കുന്നതെന്ന് ആശുപത്രിയിലെ ഡോക്ടറും നഴ്സുമാരും പറയുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26