മുൻ ചീഫ് സെക്രട്ടറി ശ്രീ ജിജി തോംസണ്ണിന്റെ പുസ്തക പ്രകാശനം സുഗതകുമാരി ടീച്ചർ നിർവ്വഹിച്ചു

തിരുവനന്തപുരം: മുൻ ചീഫ് സെക്രട്ടറി ശ്രീ ജി ജി തോംസൺ രചിച്ച 'സിംഗിംഗ് ആഫ്റ്റർ ദി സ്റ്റോം' എന്ന പുസ്തകത്തിന്റെ പ്രകാശനം സുഗതകുമാരി ടീച്ചർ നിർവ്വഹിച്ചു. മുൻ മുഖ്യമന്ത്രി ശ്രീ ഉമ്മൻ ചാണ്ടിയാണ് ആദ്യ കോപ്പി ഏറ്റുവാങ്ങിയത്. ഗ്രന്ഥകാരന്റെ ജീവിതത്തിൽ മരണത്തെ മുഖാമുഖം കണ്ട ഒരു ദിവസത്തെ അനുഭവ കുറിപ്പാണ് പുസ്തകത്തിന്റെ ആധാരം. ബൈബിളിനെ അടിസ്ഥാനപ്പെടുത്തിയ ഗ്രന്ഥം ആണെങ്കിലും ഉപനിഷത്തുകൾ, മഹാഭാരതം ഭഗവത്ഗീത, സൂഫി ഗ്രന്ഥങ്ങൾ തുടങ്ങിയവയിൽ നിന്നും പാഠങ്ങൾ ഉൾക്കൊണ്ടിട്ടുണ്ട്. ഡിസി ബുക്സ് ആണ് പ്രസാധകർ.