അറ്റ്‌ലാന്റ: അമേരിക്കയുടെ തെക്കുകിഴക്കന്‍ മേഖലയിൽ വീശിയടിച്ച ചുഴലിക്കാറ്റില്‍ കുറഞ്ഞത് ഒൻപത് പേരെങ്കിലും മരിച്ചുവെന്ന് റിപ്പോർട്ട്. മോണ്ട്‌ഗോമറിയുടെ വടക്കുപടിഞ്ഞാറുള്ള അലബാമയിലാണ് ചുഴലിക്കാറ്റ് ഏറ്റവും കൂടുതൽ നാശം വിതച്ചത്. ഇവിടെ മരണ സംഖ്യ ഉയര്‍ന്നേക്കാമെന്ന് അധികൃതര്‍ പറഞ്ഞു.
അലബാമയിലെ ഓട്ടൗഗ കൗണ്ടിയിൽ ഏഴ് മരണങ്ങൾ റിപ്പോർട്ട് ചെയ്യപ്പെട്ടതായി കൗണ്ടി അടിയന്തര മാനേജ്മെന്റ് ഏജൻസിയുടെ ഡയറക്ടർ എർണി ബാഗെറ്റ് പറഞ്ഞു. ആറ് മരണങ്ങൾ വ്യാഴാഴ്ചയും ഏഴാമത്തെ മരണം വെള്ളിയാഴ്ചയുമാണ് സ്ഥിരീകരിച്ചത്.
ഓട്ടോഗ കൗണ്ടിയില്‍ കാണാതായ ആളുകള്‍ക്കായുള്ള തെരച്ചില്‍ പുരോഗമിക്കുകയാണ്. അലബാമയിൽ കുറഞ്ഞത് ഏഴ് ചുഴലിക്കാറ്റുകളെങ്കിലും അലബാമയിൽ വീശിയടിച്ചതായി ദേശീയ കാലാവസ്ഥ വകുപ്പ് വ്യക്തമാക്കുന്നത്. കൂടുതൽ സർവേകൾ ശനിയാഴ്ച നടക്കും. സംസ്ഥാനത്തെ പതിനായിരക്കണക്കിന് ആളുകൾക്ക് വൈദ്യുതി വിച്ഛേദിക്കപ്പെട്ടു.
ഓട്ടോഗ കൗണ്ടിയില്‍ പൂർണ്ണമായും നശിച്ചതോ വാസയോഗ്യമല്ലാത്തതോ ആയ 40 വീടുകളെങ്കിലും കണ്ടെത്തിയതായി ബാഗെറ്റ് പറഞ്ഞു. മേഖലയിൽ നാശനഷ്ടങ്ങളുടെ കണക്കെടുപ്പ് ജീവനക്കാർ പുനരാരംഭിച്ചു. കുറഞ്ഞത് 12 പേരെ പരിക്കുകളോടെ ആശുപത്രിയിൽ പ്രവേശിപ്പിച്ചുവെന്നും ബാഗെറ്റ് പറഞ്ഞു.
അലബാമയിലെ സെൽമയിലും ഗ്രീൻസ്‌ബോറോയിലും ഉണ്ടായ വ്യാപകമായ നാശനഷ്ടങ്ങൾ ഡ്രോൺ വീഡിയോയിലൂടെ കണ്ടെത്തിയിരുന്നു. മിസിസിപ്പി മുതല്‍ ജോര്‍ജിയ വരെയുള്ള പ്രദേശത്താണ് കാറ്റുകള്‍ നാശമുണ്ടാക്കിയത്.
ജോര്‍ജിയയില്‍ രണ്ടു പേരാണ് മരിച്ചത്. കാറിനു മേല്‍ മരം വീണ് അഞ്ചു വയസുള്ള കുട്ടി കൊല്ലപ്പെട്ടു. രക്ഷാ പ്രവര്‍ത്തനത്തിനിടെ ഒരു സര്‍ക്കാര്‍ ഉദ്യോഗസ്ഥനും മരിച്ചു. ജോർജിയയിലുടനീളം ഒന്നിലധികം ചുഴലിക്കാറ്റിൽ നിന്നുള്ള നാശനഷ്ടങ്ങൾ കണ്ടെത്തിയതായി ഗവർണർ ബ്രയാൻ കെംപ് പറഞ്ഞു.
അറ്റ്‌ലാന്റയില്‍ ചരക്ക് തീവണ്ടി പാളം തെറ്റി മറിഞ്ഞത് ട്രെയ്ന്‍ ഗതാഗത തടസം സൃഷ്ടിച്ചു. മരണസംഖ്യ ഉയർന്നേക്കുമെന്ന് അധികൃതർ ഭയപ്പെടുന്നതിനാൽ തെക്കുകിഴക്കൻ മേഖലയിലുടനീളം രക്ഷാപ്രവർത്തനം പുരോഗമിക്കുകയാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.