അമേരിക്കയുടെ തെക്കൻ പ്രദേശങ്ങളിൽ ഹിമകൊടുങ്കാറ്റ് ശമിക്കുന്നു; രാജ്യത്തിന്റെ വടക്ക്-കിഴക്ക് ഭാഗത്തേക്കും കൊടുങ്കാറ്റ് വ്യാപിക്കുമെന്ന് റിപ്പോർട്ട്

ഓസ്റ്റിൻ: വൈദ്യുതി വിതരണത്തെ വിഛേദിച്ചുകൊണ്ട് അമേരിക്കയുടെ തെക്കൻ പ്രദേശങ്ങളിൽ അതിശക്തമായി ആഞ്ഞടിച്ച ഹിമകൊടുങ്കാറ്റ് ചരിത്രത്തിലെ തന്നെ മരവിപ്പിക്കുന്ന കാലാവസ്ഥയുമായി രാജ്യത്തിന്റെ വടക്ക്-കിഴക്കൻ ഭാഗങ്ങളിലേക്കും വ്യാപിക്കുന്നതായി റിപ്പോർട്ട്.

ഏകദേശം 10 മിനിറ്റിനുള്ളിൽ കനത്ത മഞ്ഞുവീഴ്ചയ്ക്ക് കാരണമാകുന്നതും "ഒരു തലമുറയിൽ ഒരിക്കൽ" മാത്രം സംഭവിക്കുന്നതുമായ ശീതതരംഗം രൂക്ഷമായ തണുപ്പിന് കാരണമായേക്കാമെന്ന് ദേശീയ കാലാവസ്ഥാ സേവനം മുന്നറിയിപ്പ് നൽകി. പെൻസിൽവാനിയ മുതൽ മെയ്ൻ വരെയുള്ള തദ്ദേശവാസികൾ വെള്ളി, ശനി ദിവസങ്ങളിൽ വീടുകളിൽ തന്നെ പരമാവധി കഴിയണമെന്ന് അധികൃതർ അഭ്യർത്ഥിച്ചിട്ടുണ്ട്.

കൊടും തണിപ്പിനെ തുടര്‍ന്ന് ടെക്സാസ്, അര്‍ക്കന്‍സാസ്, ഒക്ലഹോമ എന്നിവിടങ്ങളിലെ സ്ലിക്ക് റോഡുകളില്‍ ഈ ആഴ്ച കുറഞ്ഞത് 10 മരണങ്ങളെങ്കിലും റിപ്പോര്‍ട്ട് ചെയ്യപ്പെട്ടു. ടെക്‌സാസിൽ ഏഴ് പേരും ഒക്‌ലഹോമയിൽ രണ്ട് പേരും അർക്കൻസാസിൽ ഒരാളുമാണ് മരിച്ചത്. ഈ പ്രദേശങ്ങളിൽ ദശാബ്ദങ്ങളിലെ ഏറ്റവും തണുപ്പുള്ള കാലാവസ്ഥയാണ് അനുഭവപ്പെട്ടതെന്നാണ് റിപ്പോര്‍ട്ട്. കാറ്റിന്റെ തണുപ്പ് മൈനസ് 50 ഡിഗ്രിയിൽ താഴെയാകാമെന്നും മുന്നറിയിപ്പുണ്ട്.

ടെക്‌സാസില്‍ രണ്ടാം ദിവസവും വൈദ്യുതിയില്ലാതെ ആയിരക്കണക്കിന് ആളുകളാണ് വീടുകളില്‍ നിരാശരായി തണുത്ത് വിറച്ച് കഴിഞ്ഞത്. പവർഔട്ടേജിന്റെ കണക്കുകൾ അനുസരിച്ച് ടെക്സാസ്, അർക്കൻസാസ്, ടെന്നസി, മിസിസിപ്പി എന്നിവിടങ്ങളിൽ വ്യാഴാഴ്ച വൈകുന്നേരം വരെ 4,80,000 ത്തിലധികം ആളുകൾക്ക് വൈദ്യുതി ഉണ്ടായിരുന്നില്ല.

മേഖലയിലെ ഹിമകൊടുങ്കാറ്റ് ആയിരക്കണക്കിന് വിമാനങ്ങൾ റദ്ദാക്കാനും കാരണമായി. ഡാലസിലെയും ഓസ്റ്റിനിലെയും വിമാനത്താവളങ്ങളെയാണ് കാലാവസ്ഥ ഏറ്റവും കൂടുതൽ ബാധിച്ചത്. അതേസമയം വ്യാഴാഴ്ച ഉച്ചയോടെ ടെക്സസിന്റെ ചില ഭാഗങ്ങളിൽ താപനില ഉയർന്നതായി കണ്ടെത്തി. അതിനാൽ വരും ദിവസങ്ങളിൽ മഞ്ഞുപാളികൾ ഉരുകുമെന്നാണ് പ്രതീക്ഷ.

അതിരൂക്ഷമായ തണുപ്പ് പ്രതീക്ഷിക്കുന്ന ബോസ്റ്റണിൽ ഇപ്പോൾ അടിയന്തരാവസ്ഥ പ്രഖ്യാപിച്ചിരിക്കുകയാണ്. ന്യൂയോർക്ക് നഗരത്തിലെയും മറ്റ് പ്രധാന നഗരങ്ങളിലെയും താപനില ശനിയാഴ്ചയോടെ ഏകദേശം മൈനസ് 13 ഡിഗ്രി മുതൽ മൈനസ് 17 ഡിഗ്രി വരെ താഴേക്ക് പോകുമെന്ന് പ്രതീക്ഷിക്കുന്നു. എങ്കിലും വാരാന്ത്യത്തിന്റെ അവസാനത്തോടെ കാലാവസ്ഥ മെച്ചപ്പെട്ടേക്കുമെന്നാണ് വിദഗ്ധരുടെ പ്രവചനം.

അതിനിടെ മോശം കാലാവസ്ഥയെ തുടർന്ന് തിങ്കളാഴ്ച മുതൽ നൂറുകണക്കിന് വാഹനങ്ങൾ കൂട്ടിയിടിച്ചതായുള്ള സന്ദേശങ്ങൾ തങ്ങൾക്ക് ലഭിച്ചതായി ടെക്സാസിലെ അടിയന്തര സേവന ജീവനക്കാർ അറിയിച്ചു. അവയിൽ ചില അപകടങ്ങൾ മാരകമായിരുന്നു. ടെക്‌സാസ് നഗരമായ ലുബോക്കിന്റെ തെക്ക്-പടിഞ്ഞാറ് ബ്രൗൺഫീൽഡിന് സമീപമുണ്ടായ അപകടത്തിൽ മൂന്ന് പേർ മരിച്ചതായി സ്റ്റേറ്റ് ഡിപ്പാർട്ട്‌മെന്റ് ഓഫ് പബ്ലിക് സേഫ്റ്റി വ്യക്തമാക്കിയിരുന്നു.

ചൊവ്വാഴ്ച ഓസ്റ്റിനിൽ ഒരാൾ കാർ കൂട്ടിയിടിച്ച് കൊല്ലപ്പെട്ടതായി പ്രാദേശിക അധികാരികൾ അറിയിച്ചു. എസ്‌യുവി ഹൈവേ ഗാർഡ്‌റെയിലിലേക്ക് തെന്നിമാറി 45 വയസുകാരൻ തിങ്കളാഴ്ച ആർലിംഗ്‌ടണിലും മരണപ്പെട്ടിരുന്നു. അതിനിടെ വോൾഫോർത്തിൽ ഉരുൾപൊട്ടി ഒരു വിദ്യാർത്ഥി മരിച്ചുവെന്ന് പ്രാദേശിക ഔട്ട്‌ലെറ്റ് കെസിബിഡി റിപ്പോർട്ട് ചെയ്യുന്നു.

കൂടാതെ എൽഡോറാഡോയുടെ വടക്ക് മഞ്ഞുമൂടിയ റോഡിൽ വാഹനമോടിക്കുന്നതിനിടെ 49 കാരിയായ ഒരു സ്ത്രീ മരണപ്പെട്ടതായി ടെക്സസ് അധികൃതർ വ്യക്തമാക്കി. ഒക്‌ലഹോമയിലെ കസ്റ്റർ കൗണ്ടിയിൽ മഞ്ഞുമൂടിയ റോഡുകളിൽ ആറ് കാറുകൾ കൂട്ടിയിടിച്ച് വ്യാഴാഴ്ച രാവിലെ 35 കാരനായ ഡ്രൈവർ കൊല്ലപ്പെട്ടതായി ഒക്‌ലഹോമ ഹൈവേ പട്രോൾ പ്രാദേശിക മാധ്യമങ്ങൾ റിപ്പോർട്ട് ചെയ്തിരുന്നു.

വാഹനാപകടങ്ങൾ വർധിക്കുന്ന സാഹചര്യത്തിൽ ഓരോ വ്യക്തികളും സ്വന്തം വാഹനത്തിന്റെ ടയറുകളിൽ ആവശ്യത്തിന് വായു നിറച്ചിട്ടുണ്ടെന്ന് ഉറപ്പുവരുത്താനും മഞ്ഞുമൂടിയ റോഡുകളിൽ വേഗത കുറയ്ക്കാനും ക്രൂയിസ് കൺട്രോൾ ഉപയോഗിക്കുന്നത് ഒഴിവാക്കാനും ഡാലസ് പോലീസ് ഡിപ്പാർട്ട്മെന്റ് ആവശ്യപ്പെട്ടു.