ഇസ്രായേല്‍-ജ‍ർമ്മനി പ്രക്ഷോഭം യുഎഇയില്‍ നിന്നുളള വിമാനസർവ്വീസുകളെ ബാധിച്ചു

ദുബായ്: ഇസ്രായേലിലും ജർമ്മനിയിലും നടക്കുന്ന ആഭ്യന്തരപ്രക്ഷോഭങ്ങള്‍ യുഎഇയില്‍ നിന്നുളള വിമാനസർവ്വീസുകളെ ബാധിച്ചു. ഇസ്രാ​യേ​ലി​ലെ ബെ​ൻ ഗു​റി​യോ​ൺ അന്താരാഷ്ട്ര വിമാനത്താവളത്തില്‍ ഇ​റ​ങ്ങേ​ണ്ട എത്തി​ഹാ​ദ്​ എ​യ​ർ​വേ​സി​ന്‍റെ വി​മാ​നം യാത്ര റദ്ദാക്കി. അബുദബിയില്‍ തന്നെ തിരിച്ചിറക്കി. ടെല്‍ അവീവിലേക്കും തിരിച്ചുമുളള ഇസ്രായേല്‍ വിമാനങ്ങള്‍ റദ്ദാക്കി.

സ്ഥിതിഗതികള്‍ നിരീക്ഷിച്ച് വരികയാണെന്നും മറ്റ് സർവ്വീസുകള്‍ സംബന്ധിച്ചുളള അറിയിപ്പുകള്‍ നല്‍കുമെന്നും എത്തിഹാദ് എയർവേസ് അറിയിച്ചു. ഒരുവേള ബെ​ൻ ഗു​റി​യോ​ൺ വി​മാ​ന​ത്താ​വ​ള​ത്തി​ലെ എ​ല്ലാ സ​ർ​വി​സു​ക​ളും നി​ർ​ത്തി​വെ​ക്കാ​ൻ നി​ർ​ദേ​ശി​ച്ചി​രു​ന്നുവെങ്കിലും പി​ന്നീ​ട്​ സേവനം​ പു​ന​രാ​രം​ഭി​ച്ചു.

​ബെ​ൻ ഗു​റി​യോ​ൺ വി​മാ​ന​ത്താ​വ​ള​ത്തി​ലേ​ക്കുളള ര​ണ്ട്​ ഫ്ലൈ ​ദു​ബായ് വി​മാ​ന​ങ്ങ​ൾ വൈ​കിയാണ് യാത്ര തിരിച്ചത്. ജർമ്മനിയിലേക്കുളള എമിറേറ്റ്സ് വിമാനങ്ങള്‍ യാത്ര റദ്ദാക്കി. ജ​ർ​മ​നി​യി​ലെ മ്യൂ​ണി​ക്, ഫ്രാ​ങ്ക്​​ഫ​ർ​ട്ട്, ഡ​സി​ൽ​ഡോ​ർ​ഫ്​ എ​ന്നി​വി​ട​ങ്ങ​ളി​ലേ​ക്കു​ള്ള വി​മാ​ന​ങ്ങ​ളാ​ണ്​ റ​ദ്ദാ​ക്കി​യ​ത്.