സൗദിയിലേയ്ക്കുള്ള മലയാളികളുടെ മടക്കത്തിന് വേണ്ട നടപടികൾ ഉണ്ടാകണമെന്നാവശ്യപ്പെട്ട് വിദേശകാര്യ മന്ത്രിക്ക് ശ്രീകണ്ഠൻ എം പി നിവേദനം നൽകി

കോവിഡ് 19 ന്റെ പശ്ചാതലത്തിൽ സൗദിയിൽ നിന്നും കേരളയത്തിലേയ്ക്ക് മടങ്ങേണ്ടി വന്ന മലയാളികളുടെ മടക്കയാത്രയ്ക്ക് വേണ്ട നടപടികൾ ഉണ്ടാകണമെന്നാവശ്യപ്പെട്ടുകൊണ്ട് കേന്ദ്ര വിദേശയകാര്യ മന്ത്രി എസ് ജയശങ്കരിന് വി കെ ശ്രീകണ്ഠൻ നിവേദനം നൽകി .ലക്ഷക്കണക്കിന് മലയാളികളാണ് ഈ കാലയളവിൽ കേരളത്തിലേയ്ക്ക് തിരിച്ചെത്തിയത് .എന്നാൽ മാസങ്ങൾ കഴിഞ്ഞിട്ടും ഇവർക്ക് ജോലി സ്ഥലങ്ങളിലേയ്ക്ക് മടങ്ങാൻ കഴിയാത്ത അവസ്ഥായാണ് . റി എൻട്രി വിസ യുടെ കാലാവധി പലരുടെയും കഴിഞ്ഞ സ്ഥിതിയിലാണ് .സൗദി ഗവണ്മെന്റ് രണ്ട് തവണ റി എൻട്രി വിസ യുടെ കാലാവധി നീട്ടി നൽകിയിരുന്നു .

സെപ്തംബർ യിൽ നീട്ടി നൽകിയ കാലാവധി കഴിഞ്ഞു . സൗദിയിൽ തൊഴിലുടമകൾക്ക് വിസ കാലാവധി നീട്ടി നൽകാൻ കഴിയും .നീട്ടി നൽകലിന് വളരെയധികം സാമ്പത്തിക ചിലവ് ഉണ്ടാവുന്നതിനാൽ കുറഞ്ഞ ശമ്പളത്തിന് മറ്റ് ജീവനക്കാരെ നിയമിക്കുകയാണ് സൗദിയിൽ തൊഴിലുടമകൾ . ഇത് ഭൂരിഭാകം പേരുടെയും ജോലി നഷ്ടത്തിന് കാരണമാകുമെന്നും , വന്ദേ ഭാരത് മിഷനിലൂടെ സൗദിയിലേയ്ക്ക് വിമാന സർവ്വീസുകൾ തുടങ്ങണമെന്നും എം പി നിവേദനത്തിലൂടെ ആവശ്യപ്പെട്ടു