ദുബായ്: വിസ സംബന്ധമായ വിവിധ ആവശ്യങ്ങൾ നിറവേറ്റുന്നതിനായി ദുബായിലെ ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിൻ അഫയേഴ്‌സ് (ജിഡിആർഎഫ്എ) ആരംഭിച്ച വീഡിയോ കോൾ സേവനം കൂടുതൽസുഗമമാക്കിയെന്ന് വകുപ്പ്. വിഷ്വൽ കമ്മ്യൂണിക്കേഷൻ സർവീസസ് എന്ന പേരിലുള്ള ഈ സേവനം എമിഗ്രേഷൻ ഓഫീസുകൾ സന്ദർശിക്കാതെ തന്നെ വ്യക്തികളെ ഉദ്യോഗസ്ഥരുമായി വീഡിയോ കോളുകളിലൂടെ ബന്ധപ്പെടാൻ അനുവദിക്കുകയും അവരുടെ വിസ പ്രശ്‌നങ്ങൾ വേഗത്തിലും കാര്യക്ഷമമായും പരിഹരിക്കാനും സഹായിക്കുന്നു. ഇത്തരത്തിൽ ദുബായിൽ അപേക്ഷിച്ച സേവനങ്ങളുടെ നില അറിയുവാനും , അപേക്ഷിച്ച രേഖകളിലെ ന്യൂനതകൾ പരിഹരിക്കാനും വീഡിയോ കോൾ ഉപഭോക്താക്കളെ ഏറെ സഹായിക്കുന്നുവെന്ന് വകുപ്പ് അറിയിച്ചു.
വേഗമേറിയതും സൗകര്യപ്രദവുമായ ഇടപാടുകൾ സുഗമമാക്കുന്നതിലൂടെ ഉപഭോക്തൃ അനുഭവം മെച്ചപ്പെടുത്താൻ വീഡിയോ കോളിംഗ് സേവനത്തിന്‍റെ ആമുഖം ലക്ഷ്യമിടുന്നുവെന്ന് മേധാവി ലഫ്റ്റനന്‍റ് ജനറൽ മുഹമ്മദ്‌ അഹ്‌മദ്‌ അൽ മർറി പറഞ്ഞു.വീഡിയോ കോൾ ആക്സസ് ചെയ്യുന്നതിന്, ആളുകൾക്ക് ജിഡിആർഎഫ്എ വെബ്സൈറ്റ് സന്ദർശിച്ച് തൽക്ഷണ വീഡിയോ കോൾ ഓപ്ഷൻ തിരഞ്ഞെടുക്കാവുന്നതാണ്.പേര്, ഇമെയിൽ ഐഡി, മൊബൈൽ നമ്പർ, എമിറേറ്റ്‌സ് ഐഡി അല്ലെങ്കിൽ പാസ്‌പോർട്ട് വിവരങ്ങൾ എന്നിവയുൾപ്പെടെയുള്ള വിവരങ്ങൾ നൽകണം.തുടർന്ന് സേവനത്തിന്‍റെ തരം വ്യക്തമാക്കുകയും ചെയ്തുകഴിഞ്ഞാൽ, ഉപഭോക്താക്കൾക്ക് വീഡിയോ വഴി ഇമിഗ്രേഷൻ ഉദ്യോഗസ്ഥരുമായി ബന്ധപ്പെടാൻ കഴിയുന്നതാണ്.
വീഡിയോ കോൾ ഇപ്പോൾ വകുപ്പിന്‍റെ ഓഫീസ് സമയത്തിൽ മാത്രമാണ് ലഭ്യമായിട്ടുള്ളത്.ഭാവിയിൽ 24/7 മണിക്കൂറും സേവനങ്ങൾ ലഭ്യമാക്കാനുള്ള പദ്ധതിയുണ്ട് .അതിനിടയിൽ വിഡിയോ കോൾ സർവീസസ് ലോഞ്ച് ചെയ്‌തതുമുതൽ, സേവനം പ്രതീക്ഷകളെ മറികടന്ന് ഗണ്യമായ വിജയം നേടി.ആദ്യ രണ്ട് മാസത്തിനുള്ളിൽ മാത്രം, 250,000 വീഡിയോ കോൾ സേവനങ്ങൾ വിജയകരമായി പൂർത്തിയാക്കി ഉപഭോക്താക്കൾക്കിടയിൽ അതിന്‍റെ ഫലപ്രാപ്തിയും ജനപ്രീതിയും വകുപ്പ് പ്രകടമാക്കിയെന്ന് ലഫ്റ്റന്‍റ് ജനറൽ വ്യക്തമാക്കി. വിഡിയോ കോൾ സേവനം എന്നത് വിവിധ അപേക്ഷകളുടെ മേൽ പരിഹാരം കാണുവാനുള്ളതാണ്. എന്നാൽ വീസ സംബന്ധമായ ഏത് അന്വേഷണങ്ങൾക്കും 8005111 എന്ന ടോൾഫ്രീ നമ്പറിലേക്ക് ബന്ധപ്പെടാവുന്നതാണ്.
തൽസമയ കോളിംഗ് സേവനം സാങ്കേതിക മുന്നേറ്റങ്ങൾ സ്വീകരിക്കുന്നതിനുള്ള വകുപ്പിന്‍റെ പ്രതിബദ്ധത ഉയർത്തിക്കാട്ടുന്നു. ഈ നൂതനമായ പരിഹാരം അവതരിപ്പിക്കുന്നതിലൂടെ, ഇമിഗ്രേഷൻ ഉദ്യോഗസ്ഥരുമായി ഉപഭോക്താക്കൾ ഇടപഴകുന്ന രീതിയിലും കാര്യക്ഷമത, സൗകര്യം, ഉപഭോക്തൃ സംതൃപ്തി എന്നിവ വളർത്തിയെടുക്കുന്നതിലും ശ്രദ്ധേയമായ നേട്ടങ്ങൾ കൈവരിക്കാൻ കഴിയും. വിഷ്വൽ കമ്മ്യൂണിക്കേഷൻ സേവനങ്ങൾ വഴി, ഉപഭോക്താക്കൾക്ക് ഇപ്പോൾ ശാരീരിക സന്ദർശനങ്ങളോ നീണ്ട കാത്തിരിപ്പിന്‍റെയോ ആവശ്യമില്ലാതെ വിസ ആശങ്കകൾ പരിഹരിക്കാനാകുന്നതാണ് .സേവനം വിപുലീകരിക്കുകയും കൂടുതൽ എളുപ്പത്തിൽ ലഭ്യമാവുകയും ചെയ്യുന്നതിനാൽ, താമസക്കാർ, വിനോദസഞ്ചാരികൾ, ബിസിനസ്സ് യാത്രക്കാർ എന്നിവരുൾപ്പെടെ നിരവധി വ്യക്തികൾക്ക് ഇത് ഏറെ പ്രയോജനപ്പെടുമെന്നാണ് പ്രതീക്ഷിക്കപ്പെടുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.