ഇന്ത്യന്‍ തീരം മുതല്‍ മെഡിറ്ററേനിയന്‍ തീരം വരെയുളള സർവ്വീസ് പ്രഖ്യാപിച്ച് മവാനി ഖത്തർ

ദോഹ: ഹമദ് തുറമുഖത്തെ ചെങ്കടലിലെയും ഇന്ത്യന്‍ ഉള്‍ക്കടലിലെയും പടിഞ്ഞാറന്‍ മെഡിറ്ററേനിയന്‍ മേഖലയിലെയും തുറമുഖങ്ങളെ ബന്ധിപ്പിക്കുന്ന പ്രതിവാര ചരക്ക് കപ്പല്‍ സേവനം മവാനി ഖത്തർ പ്രഖ്യാപിച്ചു. ഖ​ത്ത​ർ പോ​ർ​ട്ട് മാ​നേ​ജ്മെ​ന്‍റ് ക​മ്പ​നിയാണ് മവാനി ഖത്തർ. കയറ്റുമതിയുടെ വർദ്ധിച്ച ആവശ്യം കണക്കിലെടുത്താണ് മ​വാ​നി ഖ​ത്ത​ർ മെ​ഡി​റ്റ​റേ​നി​യ​ൻ ഷി​പ്പിംഗ് ക​മ്പ​നി​യു​മാ​യി വി​വി​ധ തു​റ​മു​ഖ​ങ്ങ​ളെ ബ​ന്ധി​പ്പി​ക്കു​ന്ന കരാറില്‍ ഒപ്പുവച്ചത്.

ഇ​ന്ത്യ​ൻ തീ​ര​ത്തെ മും​ബൈ ജ​വ​ഹ​ർ​ലാ​ൽ നെ​ഹ്റു തു​റ​മു​ഖം (ന​വ ഷേ​വ തു​റ​മു​ഖം),ഗു​ജ​റാ​ത്ത് തീ​ര​ത്തെ മു​ന്ദ്ര തു​റ​മു​ഖം, ക​റാ​ച്ചി എ​ന്നി​വ തൊ​ട്ട് അ​ബു​ദ​ബി, ജു​ബൈ​ൽ, ജ​ബ​ൽ അ​ലി വ​ഴി ജി​ബൂ​തി, സൗ​ദി​യി​ലെ ജി​ദ്ദ, കിംഗ് അ​ബ്ദു​ല്ല, തുടങ്ങി മെ​ഡി​റ്റ​റേ​നി​യ​ൻ തീ​ര​ങ്ങ​ളി​ലെ വി​വി​ധ തു​റ​മു​ഖ​ങ്ങ​ളെ ബ​ന്ധി​പ്പി​ക്കു​ന്ന​താ​ണ് ച​ര​ക്കു നീ​ക്ക​ത്തി​നു​ള്ള പു​തി​യ പാ​ത. മി​ഡി​ലീ​സ്റ്റ് രാ​ജ്യ​ങ്ങ​ളി​ലെ ഏ​റ്റ​വും വ​ലി​യ​തും, ലോ​ക​ത്തെ എ​ട്ടാ​മ​ത്തെ ക​ണ്ടെ​യ്ന​ർ തു​റ​മു​ഖ​വു​മാ​ണ് ഹ​മ​ദ് പോ​ർ​ട്ട്.