യൂ​ട്യൂ​ബി​ൽ നിന്നും ചോദ്യാവലി തയാറാക്കി; സ്വാ​ത​ന്ത്ര്യ സ​മ​ര​ത്തിൽ പങ്കെടുത്ത ബഷീറിന് ‘തീ​വ്ര​വാ​ദ’ ബന്ധം: വെട്ടിലായി അധ്യാപകർ

കോ​ഴി​ക്കോ​ട്: പ്ര​ശ​സ്ത സാ​ഹി​ത്യ​കാ​ര​ന്‍ വൈ​ക്കം മു​ഹ​മ്മ​ദ് ബ​ഷീ​റിന് ‘തീ​വ്ര​വാ​ദ’​ ബന്ധം ആരോപിച്ചുള്ള ചോ​ദ്യാ​വ​ലി സ്‌​കൂ​ളി​ല്‍ വി​ത​ര​ണം ചെ​യ്ത​ത് വി​വാ​ദ​ത്തി​ൽ. ചാ​ല​പ്പു​റം ഗ​വ. ഗ​ണ​പ​ത് ബോ​യ്‌​സ് ഹൈ​സ്‌​കൂ​ള്‍ വി​ദ്യാ​ര്‍ഥി​ക​ള്‍ക്കാ​ണ് ബ​ഷീ​ര്‍ ദി​ന​ത്തോ​ട​നു​ബ​ന്ധി​ച്ച് ന​ട​ത്തി​യ ക്വി​സ് മ​ത്സ​ര​ത്തി​ന് മു​ന്നോ​ടി​യാ​യ വി​വാ​ദ പ​രാ​മ​ര്‍ശ​മ​ട​ങ്ങി​യ ചോ​ദ്യാ​വ​ലി ന​ല്‍കി​യ​ത്.

തീ​വ്ര​വാ​ദ സം​ഘ​ട​ന​യു​ടെ മു​ഖ​പ​ത്ര​മാ​യ ‘ഉ​ജ്ജീ​വ​ന’​ത്തി​ല്‍ ഏ​തു തൂ​ലി​കാ​നാ​മ​ത്തി​ലാ​ണ് ബ​ഷീ​ര്‍ ലേ​ഖ​ന​ങ്ങ​ള്‍ എ​ഴു​തി​യ​ത് എ​ന്ന ചോ​ദ്യ​മാ​ണ് ചോദ്യാവലിയിൽ ഉണ്ടാ​യി​രു​ന്ന​ത്. വി​ഷ​യം സ്കൂ​ൾ അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ടു​ത്തി. ‘ഉ​ജ്ജീ​വ​ന’​ത്തി​ന്റെ പ്ര​സാ​ധ​ക​ന്‍ പി.​എ. സൈ​നു​ദ്ദീ​ന്‍ നൈ​ന​യു​ടെ മ​ക​നും എ​ഴു​ത്തു​കാ​ര​നു​മാ​യ ജ​മാ​ല്‍ കൊ​ച്ച​ങ്ങാ​ടി ഇ​ക്കാ​ര്യം ഫേ​സ്ബു​ക്കി​ലൂ​ടെ പു​റ​ത്തു​വി​ടു​ക​യും ചെ​യ്തു. ഇ​തോ​ടെ വി​വി​ധ കോ​ണു​ക​ളി​ൽ​നി​ന്ന് വി​മ​ർ​ശ​ന​വും ഉ​യ​ർ​ന്നു. 

ത​ന്റെ പേ​ര​മ​ക​ന്‍ വീ​ട്ടി​ല്‍ കൊ​ണ്ടു​വ​ന്ന ചോ​ദ്യാ​വ​ലി​യി​ലാ​ണ് ഇ​ത്ത​ര​മൊ​രു പ​രാ​മ​ര്‍ശ​മു​ള്ള​തെ​ന്നും ആ​രാ​ണ് ഇ​ത് ത​യാ​റാ​ക്കി​യ​തെ​ന്ന് അ​റി​യി​ല്ലെ​ന്നും ജ​മാ​ല്‍ കൊ​ച്ച​ങ്ങാ​ടി പ​റ​ഞ്ഞു. സ്വാ​ത​ന്ത്ര്യ സ​മ​ര​ത്തി​ന്റെ ഭാ​ഗ​മാ​യു​ള്ള ഉ​പ്പു​സ​ത്യ​ഗ്ര​ഹ​ത്തി​ല്‍ പ​ങ്കെ​ടു​ത്ത് ജ​യി​ലി​ല്‍ ക​ഴി​ഞ്ഞ​ശേ​ഷം വൈ​ക്കം മു​ഹ​മ്മ​ദ് ബ​ഷീ​റും പി.​എ. സൈ​നു​ദ്ദീ​ന്‍ നൈ​ന​യും ചേ​ര്‍ന്ന് തു​ട​ങ്ങി​യ ‘ഉ​ജ്ജീ​വ​നം’ പ​ത്ര​ത്തെ​യാ​ണ് തീ​വ്ര​വാ​ദ പ​ത്ര​മാ​യി വി​ശേ​ഷി​പ്പി​ച്ച​ത്.

സ​ഹോ​ദ​ര​ന്‍ അ​യ്യ​പ്പ​ന്റെ ഒ​രു ക​വി​ത​യു​ടെ പേ​രാ​ണ് പ​ത്ര​ത്തി​ന് ന​ല്‍കി​യി​രു​ന്ന​ത്. ചോ​ദ്യാ​വ​ലി ത​യാ​റാ​ക്കി​യ​ത് ആ​രാ​യാ​ലും ‘ഉ​ജ്ജീ​വ​നം’ പ്ര​സി​ദ്ധീ​ക​രി​ച്ച തീ​വ്ര​വാ​ദ സം​ഘ​ട​ന ഏ​തെ​ന്ന് വ്യ​ക്ത​മാ​ക്കാ​ന്‍ ബ​ന്ധ​പ്പെ​ട്ട​വ​ർ ബാ​ധ്യ​സ്ഥ​രാ​ണ്. അ​ല്ലെ​ങ്കി​ല്‍ നാ​ളെ അ​ത് ഭീ​ക​ര​സം​ഘ​ട​ന​യാ​യി മാ​റും, ബ​ഷീ​റും സൈ​നു​ദ്ദീ​ന്‍ നൈ​ന​യും ഭീ​ക​ര​രാ​യി ചി​ത്രീ​ക​രി​ക്ക​പ്പെ​ടും. അ​ത് ത​ട​യാ​ന്‍ സാം​സ്‌​കാ​രി​ക കേ​ര​ളം ശ​ബ്ദ​മു​യ​ർ​ത്ത​ണ​മെ​ന്നും ജ​മാ​ൽ കൊ​ച്ച​ങ്ങാ​ടി ആ​വ​ശ്യ​പ്പെ​ട്ടു.

അ​തേ​സ​മ​യം ബ​ഷീ​ർ ദി​ന​ത്തോ​ട​നു​ബ​ന്ധി​ച്ച് ന​ട​ത്തി​യ ക്വി​സ് മ​ത്സ​ര​ത്തി​ന് മു​ന്നോ​ടി​യാ​യി യൂ​ട്യൂ​ബി​ൽ​നി​ന്നെ​ടു​ത്ത ചോ​ദ്യാ​വ​ലി​യി​ലാ​ണ് വി​വാ​ദ പ​രാ​മ​ർ​ശ​ങ്ങ​ൾ വ​ന്ന​​തെ​ന്ന് സ്കൂ​ൾ അ​ധി​കൃ​ത​ർ പ​റ​ഞ്ഞു.

സ്കൂ​ൾ നേ​രി​ട്ട് ചോ​ദ്യാ​വ​ലി ത​യാ​റാ​ക്കു​ന്ന​തി​നു​പ​ക​രം മ​ട്ട​ന്നൂ​ർ ബി.​ആ​ർ.​സി ത​യാ​റാ​ക്കി​യ ചി​ല ഭാ​ഗ​ങ്ങ​ൾ ഇ​ന്റ​ർ​നെ​റ്റി​ൽ​നി​ന്ന് എ​ടു​ക്കു​ക​യാ​യി​രു​ന്നു. വി​വാ​ദ പ​രാ​മ​ർ​ശം ശ്ര​ദ്ധ​യി​ൽ​പെ​ട്ട​തോ​ടെ ചോദ്യം ഒഴിവാക്കിയതായി സ്കൂ​ൾ അ​ധി​കൃ​ത​ർ വ്യക്തമാക്കി.