അബുദാബി: യുഎഇയില്‍ മെർസ് വൈറസ് (മിഡില്‍ ഈസ്റ്റ് റെസ്പിറേറ്ററി സിന്‍ഡ്രോം കൊറോണ വൈറസ്) ബാധ സ്ഥിരീകരിച്ചതായി ലോകാരോഗ്യ സംഘടന വ്യക്തമാക്കി. അബുദാബി അലൈനിലെ പ്രവാസിയായ 28 കാരനാണ് മെർസ് വൈറസ് ബാധ സ്ഥിരീകരിച്ചത്. ജൂണ്‍ എട്ടിനാണ് ഇയാളെ ആശുപത്രിയില്‍ പ്രവേശിപ്പിച്ചത്.
ഈ വർഷം ആദ്യമായാണ് യുഎഇയില്‍ മെർസ് ബാധ റിപ്പോർട്ട് ചെയ്യുന്നത്. വൈറസ് സ്ഥിരീകരിച്ച വ്യക്തിയുമായി സമ്പർക്കത്തിലുണ്ടായിരുന്ന 108 പേരെയും നിരീക്ഷിച്ചുവെങ്കിലും അവരില്‍ രോഗബാധ കണ്ടെത്തിയിട്ടില്ല. രോഗപ്രതിരോധത്തിനായുള്ള മാർഗങ്ങൾ അബുദാബി പബ്ലിക് ഹെൽത്ത് സെന്‍റർ ശക്തമാക്കിയിട്ടുണ്ട്.
മെർസ് വൈറസ് ബാധ യുഎഇയില്‍ അപൂർവ്വമാണ്. 2013 മുതല്‍ ഇതുവരെ 94 പേരിലാണ് ഈ വൈറസ് ബാധ സ്ഥിരീകരിച്ചിട്ടുളളത്. 12 പേരുടെ മരണവും റിപ്പോർട്ട് ചെയ്തിട്ടുണ്ട്. മിഡിൽ ഈസ്റ്റ് റെസ്പിറേറ്ററി സിൻഡ്രോം കൊറോണ വൈറസ് രോഗബാധിതരായ ഒട്ടകങ്ങളിൽ നിന്ന് മനുഷ്യരിലേക്ക് പകരുന്ന ഒരു വൈറസാണ്. മൃഗങ്ങളിൽ നിന്ന് മനുഷ്യരിലേക്കും വൈറസ് പകരുന്നു
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.