വാഷിങ്ടണ്‍: യുകെയില്‍ കണ്ടെത്തിയ കോറോണ വൈറസ് വകഭേദം അമേരിക്കയിലും കണ്ടെത്തി. അമേരിക്കന്‍ സംസ്ഥാനമായ കോളറാഡോയിലാണ് രോഗം റിപ്പോര്‍ട്ട് ചെയ്തത്. ഇരുപതുകാരനായ യുവാവിനാണ് വൈറസ് ബാധ കണ്ടെത്തിയതെന്നും ഇയാള്‍ ക്വാറന്റൈനിലാണെന്നുമാണ് റിപ്പോര്‍ട്ട് സൂചിപ്പിക്കുന്നത്. കോളറാഡോ ഗവര്‍ണര്‍ ജേര്‍ഡ് പോളിസ് ആണ് ഇക്കാര്യം സ്ഥിരീകരിച്ചത്.
രോഗബാധയുടെ ഉറവിടം വ്യക്തമല്ല. കോവിഡ് രോഗികളുമായി ഇയാള്‍ക്ക് സമ്പർക്കം കണ്ടെത്തിയിട്ടില്ല. ഇതും ആശങ്ക വര്‍ദ്ധിപ്പിക്കുന്നതാണ്. ബ്രിട്ടനില്‍ മാത്രം 3000 പേരിലധികം പേര്‍ക്ക് രോഗം സ്ഥിരീകരിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26