ന്യൂഡല്‍ഹി: ഇന്ത്യയുമായി ഉഭയകക്ഷി ചര്‍ച്ചയ്ക്ക് അഭ്യര്‍ത്ഥിച്ച് ചൈന. ദക്ഷിണാഫ്രിക്കയില്‍ നടന്ന ബ്രിക്സ് ഉച്ചകോടിക്കിടെയാണ് ഇരു രാജ്യത്തിന്റെയും തലവന്മാര്‍ ചര്‍ച്ച നടത്തിയത്. ചൈന-ഇന്ത്യ ഉഭയകക്ഷി ബന്ധം വര്‍ധിപ്പിക്കുന്നതിന്റെ ഭാഗമായാണ് ചര്‍ച്ച നടന്നത്. അതിര്‍ത്തിയിലടക്കം ഇന്ത്യ സ്വീകരിക്കുന്ന ശക്തമായ നിലപാടിനെ തുടര്‍ന്നാണ് ചൈനയുടെ നീക്കം.
ബ്രിക്സ് ഉച്ചകോടിയില്‍ ഇന്ത്യയുടെയും ചൈനയുടെയും നേതാക്കള്‍ തമ്മില്‍ ഉഭയകക്ഷി ചര്‍ച്ചകള്‍ നടത്താന്‍ ആദ്യം കഴിഞ്ഞിരുന്നില്ല. ചൈനീസ് പ്രസിഡന്റ് ഷി ജിന്‍പിങ് പ്രധാന മന്ത്രി നരേന്ദ്ര മോഡിയെ കാണാന്‍ ആഗ്രഹം പ്രകടിപ്പിച്ചിരുന്നെങ്കിലും പ്രധാനമന്ത്രി അനുഭാവം കാണിച്ചില്ല. ഇന്ത്യയും ചൈനയും തമ്മില്‍ കമാന്‍ഡര്‍ തലത്തിലും ജനറല്‍ തലത്തിലും നിരവധി ചര്‍ച്ചകള്‍ നടന്നിട്ടുണ്ട്. അടുത്തിടെ 19-ാം റൗണ്ടില്‍ ഒരു പൊതുതല യോഗം നടന്നിരുന്നു. ആ യോഗത്തില്‍ നിന്ന് വ്യക്തമായ ഒരു ധാരണയുണ്ടായില്ല.
മോഡിയും ജിന്‍പിങും തമ്മില്‍ കൂടിക്കാഴ്ച നടത്തുമെന്നും അതിര്‍ത്തിയിലെ സംഘര്‍ഷങ്ങളെക്കുറിച്ച് ഉഭയകക്ഷി ചര്‍ച്ചകള്‍ നടത്തുമെന്നും പ്രതീക്ഷിച്ചിരുന്നെങ്കിലും അത് നടന്നില്ല. ലോഞ്ചില്‍ ഇരുവരും സംഭാഷണത്തില്‍ ഏര്‍പ്പെട്ടിരുന്നെങ്കിലും കാര്യമായ ഗുണമുണ്ടായില്ല. അതിര്‍ത്തിയിലെ സമാധാനത്തിലൂടെ മാത്രമേ ഇരുരാജ്യങ്ങളും തമ്മിലുള്ള ബന്ധം സാധാരണ നിലയിലാക്കാന്‍ കഴിയൂ എന്ന് പ്രധാനമന്ത്രി സ്ഥാപിച്ചു.
ഇരുരാജ്യങ്ങളുടെയും ബന്ധം മെച്ചപ്പെടുത്തുന്നതിനും പൊതുതാത്പര്യങ്ങള്‍ നിറവേറ്റുന്നതിനൊപ്പം, ആഗോളതലത്തിലേയും മേഖലയിലേയും സമാധാനത്തിനും സുസ്ഥിരതയ്ക്കും വികസനത്തിനും വേണ്ടിയാണ് ചര്‍ച്ച എന്ന് ചൈനീസ് പ്രസിഡന്റ് ഷി ജിന്‍ പിങ് പറഞ്ഞു. ബ്രിക്സ് ഉച്ചകോടിയിലെയും ആഗോളതതലത്തിലും ഇന്ത്യയ്ക്ക് ലഭിക്കുന്ന സ്വീകാര്യത ചൈനയെ പ്രതിരോധത്തിലാക്കി എന്നതിന്റെ തെളിവാണ് ചര്‍ച്ചയ്ക്കുള്ള അഭ്യര്‍ത്ഥന.
പാകിസ്ഥാന് ബ്രിക്സില്‍ ഇടം നല്‍കാതെയിരുന്നതും ചൈനയുടെ താല്‍പര്യങ്ങള്‍ക്ക് കനത്ത തിരിച്ചടിയാണ് നല്‍കുന്നത്. അമേരിക്ക അടക്കമുള്ള വന്‍ശക്തികളുടെ പിന്തുണയും ആഗോള തലത്തില്‍ ഇന്ത്യ 3-ാം സാമ്പത്തിക ശക്തിയായി മാറുന്നതും ലോക രാജ്യങ്ങള്‍ക്കിടയില്‍ ഇന്ത്യയുടെ സൗഹൃദവും ചൈനയുടെ സ്വപ്നങ്ങള്‍ക്ക് വന്‍തിരിച്ചടി ഏല്‍പ്പിക്കുന്നു. ഇതിന്റെയെല്ലാം പശ്ചാതലത്തിലായിരുന്നു ചര്‍ച്ച.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.