കൊച്ചി: സീറോ മലബാര്‍ മിഷന്‍ ഓഫീസും മതബോധന കമ്മീഷനും സംയുക്തമായി നടത്തുന്ന 'മിഷന്‍ ക്വസ്റ്റ്' ഓണ്‍ലൈന്‍ ക്വിസ് ഈ മാസം 28 ന് രാത്രി എട്ടിന് ഓണ്‍ലൈനായി നടത്തും. ദൈവവചനം, കൂദാശകള്‍, കൂദാശാനുകരണങ്ങള്‍, തിരുസഭ, സഭയുടെ പ്രേഷിത ദൗത്യങ്ങള്‍ എന്നിവയെക്കുറിച്ച് സമഗ്രമായ അറിവ് ലഭിക്കത്തക്ക രീതിയിലാണ് പഠന ഭാഗം ക്രമീകരിച്ചിരിക്കുന്നത്.
വി. മര്‍ക്കോസിന്റെ സുവിശേഷത്തില്‍ നിന്ന് 40 ത് ശതമാനവും കൂദാശകള്‍ക്കും കൂദാശാനുകരണങ്ങള്‍ക്കുമായി 30 ശതമാനവും സീറോ മലബാര്‍ സഭയെക്കുറിച്ചുള്ള പൊതു വിജ്ഞാനത്തിന് 30 ശതമാനവും അടങ്ങുന്നതാണ് പാഠ്യ പദ്ധതി.
പഠന വിഷയങ്ങള്‍ മനസിലാക്കുന്നതിനായി ഇംഗ്ലീഷ്, ഹിന്ദി, മലയാളം, തമിഴ്, തെലുങ്ക് എന്നീ ഭാഷകളില്‍ പഠന സഹായികളും തയ്യാറാക്കി വെബ്‌സൈറ്റില്‍ ലഭ്യമാക്കിയിട്ടുണ്ട്. 'സഭയെ അറിഞ്ഞ് സഭയെ സ്‌നേഹിക്കാം, മിഷനെ അറിഞ്ഞ് മിഷനറിയാകാം' എന്നതാണ് ഈ പഠന പദ്ധതിയുടെ ലക്ഷ്യമെന്ന് മതബോധന കമ്മീഷന്‍ സെക്രട്ടറി ഫാ. തോമസ് മേല്‍വെട്ടത്ത് പറഞ്ഞു.
ഇന്ത്യക്ക് പുറത്തുള്ള നാല് രൂപതകള്‍ക്ക് സമയ ക്രമത്തില്‍ വ്യത്യാസമുണ്ട്. 35 രൂപതകളിലും വിവിധ പ്രവാസി മേഖലകളിലുമായി ലോകത്തിന്റെ വിവിധ ഭാഗങ്ങളില്‍ വസിക്കുന്ന സീറോ മലബാര്‍ വിശാസികളെ തിരുവചന സഭാ പഠനത്തിനായി ഒരു വേദിയില്‍ കൊണ്ടുവരാനുള്ള ശ്രമമാണ് മിഷന്‍ ക്വസ്റ്റ് എന്ന് സെക്രട്ടറി ഫാ. സിജു അഴകത്ത് എംഎസ്ടി പറഞ്ഞു.
മതബോധന വിദ്യാര്‍ഥികള്‍ക്കും മുതിര്‍ന്നവര്‍ക്കും പ്രത്യേകം നടത്തപ്പെടുന്ന മത്സരങ്ങളില്‍ രൂപതാതലത്തിലും ആഗോളതലത്തിലുമായാണ് മത്സരം. വിജയികള്‍ക്ക് ക്യാഷ് അവാര്‍ഡും പ്രശസ്തി പത്രവും ലഭിക്കും. കൂടുതല്‍ വിവരങ്ങള്‍ക്ക് www.syromalabarmission.com എന്ന വെബ്‌സൈറ്റ് സന്ദര്‍ശിക്കുക.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.