ആയുർവേദ റിസോർട്ടുകളും സ്പാകളും ഉടൻ തുറക്കും

തിരുവനന്തപുരം: കോവിഡിന്റെ പശ്ചാത്തലത്തിൽ പ്രവർത്തനരഹിതമായിരുന്ന സംസ്ഥാനത്തെ ആയുർവേദ റിസോർട്ടുകളും സ്പാകളും ഉടൻ തുറക്കും. ഇതിന് സർക്കാർ അനുമതി നൽകി. ഈ സാഹചര്യത്തിൽ കോവിഡ് മാനദണ്ഡങ്ങൾ പൂർണമായും പാലിക്കണം.

വ്യക്തി ശുചിത്വവും പരിസ്ഥിതി ശുചിത്വവും സുരക്ഷിതത്വവും ഉറപ്പ് വരുത്തുവാനുള്ള എല്ലാ മുൻകരുതലുകളും ആയുർവേദ റിസോർട്ടുകളും സ്പാകളും സ്വീകരിക്കണം എന്ന് ടൂറിസം വകുപ്പ് മന്ത്രി കടകംപള്ളി സുരേന്ദ്രൻ പറഞ്ഞു. നിലവിലുള്ള സർക്കാർ മാർഗരേഖകൾ പൂർണമായും പാലിക്കണമെന്നും അദ്ദേഹം കൂട്ടിച്ചേർത്തു.