ന്യൂഡല്‍ഹി : കേന്ദ്ര സര്‍ക്കാറും കര്‍ഷക സംഘടനകളും നടത്തിയ ഒൻപതാം വട്ട ചര്‍ച്ചയും പരാജയപ്പെട്ടു. നിയമങ്ങള്‍ നടപ്പാക്കുന്നത് സുപ്രീംകോടതി നിലവില്‍ മരവിപ്പിച്ചിരിക്കുകയാണെന്നും അതിനാല്‍ ഭേദഗതികളില്‍ ചര്‍ച്ചയാകാമെന്നുമാണ് കേന്ദ്ര സര്‍ക്കാര്‍ അറിയിച്ചത് . എന്നാല്‍ മൂന്നു നിയമങ്ങളും പൂര്‍ണമായും പിന്‍വലിക്കണമെന്ന നിലപാടില്‍ കര്‍ഷക സംഘടനകള്‍ ഉറച്ചുനിന്നു. ഇതിന് ഒരുക്കമല്ലെന്ന സന്ദേശമാണ് സർക്കാരിനെ ചർച്ചയിൽ പ്രതിനിധീകരിക്കുന്ന കേന്ദ്ര മന്ത്രിമാരായ നരേന്ദ്ര സിങ് തോമർ,പിയൂഷ് ഗോയൽ, സോം പ്രകാശ് എന്നിവർ സ്വീകരിച്ചത്.
നിയമങ്ങള്‍ നടപ്പാക്കുന്നത് മരവിപ്പിക്കാനും കാര്‍ഷിക നിയമത്തെക്കുറിച്ച്‌ പഠിക്കാന്‍ സമിതി രൂപീകരിക്കാനും സുപ്രീംകോടതി ഉത്തരവിട്ടതിന് പിന്നാലെ നടന്ന ഒൻപതാം വട്ട ചര്‍ച്ചയിലും പ്രതീക്ഷയില്ലെന്ന് നേരത്തെ തന്ന സംഘടനകള്‍ വ്യക്തമാക്കിയിരുന്നു. പഞ്ചാബില്‍ ട്രാന്‍സ്പോര്‍ട്ടേഴ്സിനെതിരെ ആരംഭിച്ച എന്‍.ഐ.എ റെയ്ഡിനെതിരെ കര്‍ഷക സംഘടനകള്‍ പ്രതിഷേധം അറിയിച്ചു .
കര്‍ണാലിലെ സംഘര്‍ഷത്തില്‍ ആയിരത്തോളം കര്‍ഷകര്‍ക്കെതിരെ ഹരിയാന പൊലീസ് എടുത്ത കേസുകള്‍ പിന്‍വലിക്കണമെന്ന ആവശ്യവും കര്‍ഷകര്‍ ഉന്നയിച്ചു. 19-ാം തീയതി വീണ്ടും ചര്‍ച്ച നിശ്ചയിച്ചിട്ടുണ്ട്. റിപ്പബ്ലിക് ദിനത്തിൽ ഡൽഹിയിലെ നിരത്തിലൂടെ ട്രാക്ടർ റാലി നടത്തുമെന്ന ഭീഷണിയാണ് സമരം ചെയ്യുന്ന കർഷകർ ഉന്നയിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.