കുവൈറ്റ് സിറ്റി: നാഷണൽ ടെസ്റ്റിങ്ങ് ഏജൻസി നടത്തുന്ന മെഡിക്കൽ പ്രവേശന പരീക്ഷയായ നീറ്റിന് ( നാഷണൽ എലിജിബിലിറ്റി കം എൻട്രൻസ് ടെസ്റ്റ് ) കുവൈറ്റ് ഉൾപ്പെടെ പതിനാല് രാജ്യങ്ങളിൽ പരീക്ഷാ കേന്ദ്രം അനുവദിച്ചതായി എൻ ടി എ അറിയിച്ചു.
ഈ വർഷത്തെ പരീക്ഷാ കേന്ദ്രങ്ങളുടെ ലിസ്റ്റിൽ നിന്നും ഇന്ത്യയ്ക്ക് പുറത്തുള്ള കേന്ദ്രങ്ങളെ ഒഴിവാക്കിയിരുന്നു.
കേന്ദ്ര സർക്കാരിൻ്റെ ഈ തീരുമാനം പ്രവാസികളെ ആശങ്കയിലാഴ്ത്തി. പരീക്ഷാ കേന്ദ്രങ്ങൾ പുന:സ്ഥാപിക്കണമെന്ന് ആവശ്യപ്പെട്ട് പ്രധാനമന്ത്രിയ്ക്കും, കേന്ദ്ര വിദ്യാഭ്യാസ മന്ത്രിയ്ക്കും കത്തോലിക്കാ കോൺഗ്രസ് ഗ്ലോബൽ ഉൾപ്പെടെ വിവിധ സംഘടനകൾ പരാതികൾ അയച്ചിരുന്നു.
എൻ ടി എ പുറത്തിറക്കി പുതിയ ലിസ്റ്റിലാണ് കുവൈറ്റ് ഉൾപ്പെടെ പതിനാല് വിദേശ രാജ്യങ്ങളിലെ പരീക്ഷാ സെൻ്ററുകൾ പ്രഖ്യാപിച്ചതു്. താൽക്കാലികമായ ഉണ്ടായ പ്രതിസന്ധിയിൽ നിന്നും കരകയറിയതിൻ്റെ സന്തോഷത്തിലാണ് പ്രവാസി സമൂഹമിപ്പോൾ.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26