മാനന്തവാടി: വയനാട് ജില്ലയില് ആദ്യമായി അരിവാള് കോശ രോഗിയില് (സിക്കിള് സെല്) ആദ്യമായി ഇടുപ്പ് മാറ്റിവയ്ക്കല് ശസ്ത്രക്രിയ വിജയകരമായി പൂര്ത്തിയാക്കി മാനന്തവാടി വയനാട് ഗവ. മെഡിക്കല് കോളജ് ആശുപത്രി. ജനുവരി 18നായിരുന്നു ശസ്ത്രക്രിയ വിജയകരമായി പൂര്ത്തിയാക്കി. പിന്നീട് ഏകദേശം ഒരുമാസത്തിന് ശേഷം ഫെബ്രുവരി 15 ന് വലതുഭാഗത്തും ശസ്ത്രക്രിയ നടത്തി.
ഓര്ത്തോപീഡിക്സ് വിഭാഗത്തിന്റേയും മെഡിസിന് വിഭാഗത്തിന്റെയും കൂട്ടായ പ്രയത്നത്തിലൂടെയാണ് ശസ്ത്രക്രിയ വിജയകരമാക്കിയത്.
ഇക്കഴിഞ്ഞ ഒക്ടോബര് 30നാണ് ഇടുപ്പ് വേദനയുമായി 35കാരിയായ രോഗി വയനാട് മെഡിക്കല് കോളജിലെത്തുന്നത്. ഓര്ത്തോപീഡിക്സ് വിഭാഗത്തിലെ ഡോക്ടര് രോഗിയെ പരിശോധിച്ച് അണുബാധയുടെ ഫലമായുണ്ടാകുന്ന ഓസ്റ്റിയോമൈലൈറ്റിസ് എന്ന അസുഖമാണെന്ന് കണ്ടെത്തുകയായിരുന്നു.
നിലവില് രോഗിയുടെ ആരോഗ്യനില തൃപ്തികരമായി തുടരുന്നു. ശസ്ത്രക്രിയയ്ക്ക് നേതൃത്വം നല്കിയ മുഴുവന് ടീമിനേയും ആരോഗ്യ വകുപ്പ് മന്ത്രി വീണാ ജോര്ജ് അഭിനന്ദിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26