തിരുവനന്തപുരം: ചിട്ടിപ്പണം ലഭിക്കാത്തതിനാല് പ്രസിഡന്റിനെതിരെ കുറിപ്പ് എഴുതി വച്ച് ആത്മഹത്യ ചെയ്ത സഹകാരിയുടെ മൃതദേഹവുമായി ചെമ്പഴന്തി അഗ്രികള്ച്ചറല് ഇംപ്രൂവ്മെന്റ് സഹകരണ സംഘത്തിന് മുന്നില് നാട്ടുകാരുടെ പ്രതിഷേധം.
ചെമ്പഴന്തി സ്വദേശി ബിജു കുമാറാണ് സഹകരണ സംഘം പ്രസിഡന്റിന്റെ പേരെഴുതി വെച്ച് ജീവനൊടുക്കിയത്. ചിട്ടി പിടിച്ച പണം നല്കാത്തതിനാലാണ് ബിജുകുമാര് ആത്മഹത്യ ചെയ്തതെന്നാണ് നാട്ടുകാരുടെ പരാതി.
സഹകരണ സംഘം പ്രസിഡന്റ് ജയകുമാറിനെതിരെയാണ് ആരോപണം. ബിജു കുമാറിന്റെ ആത്മഹത്യാക്കുറിപ്പില് മരണത്തിന് ഉത്തരവാദി ജയകുമാര് ആണെന്ന് എഴുതിയിരുന്നു.
ജയകുമാറിനെ അറസ്റ്റ് ചെയ്യണമെന്ന് ആവശ്യപ്പെട്ടാണ് മൃതദേഹവുമായി ബിജെപിയുടെ നേതൃത്വത്തില് നാട്ടുകാര് പ്രതിഷേധിച്ചത്. ആര്.ഡി.ഒ സ്ഥലത്തെത്താതെ മൃതദേഹം മാറ്റില്ലെന്നാണ് പ്രതിഷേധക്കാരുടെ നിലപാട്. സഹകരണസംഘം ജോയിന്റ് രജിസ്ട്രാര്, ആര്.ഡി.ഒ, തഹസില്ദാര് എന്നിവര് സ്ഥലത്തെത്തി സമരക്കാരുമായി ചര്ച്ച നടത്തി.
പണം തിരിച്ചുകിട്ടാനുള്ള കൂടുതല് പേര് സഹകരണ സംഘത്തിനെതിരേ പരാതിയുമായി രംഗത്തെത്തിക്കൊണ്ടിരിക്കുകയാണ്. കോണ്ഗ്രസ് നേതൃത്വം നല്കുന്ന ഭരണ സമിതിയാണ് സഹകരണ സംഘം ഭരിക്കുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26