' പ്ലാസിഡ് അച്ഛനും സീറോ മലബാർ സഭയും'; ചങ്ങനാശേരി അതിരൂപതാ പ്രവാസി അപ്പോസ്തലേറ്റിന്റെ ആഭിമുഖ്യത്തിൽ നാളെ വെബിനാർ

ചങ്ങനാശേരി: ആധുനിക സിറോ മലബാർ സഭയുടെ പിതാവെന്നറിയപ്പെടുന്ന ഫാ. പ്ലാസിഡ് ജെ പൊടിപ്പാറ സി.എം.ഐ യുടെ ജനനത്തിന്റെ ശതോത്തര രജത ജൂബിലിയോടനുബന്ധിച്ച് ചങ്ങനാശേരി അതിരൂപതാ പ്രവാസി അപ്പോസ്തലേറ്റ് സ്റ്റഡി സെല്ലിന്റെ നേതൃത്വത്തിൽ വെബ്ബിനാർ സംഘടിപ്പിക്കുന്നു. ഒക്ടോബർ 18 വെള്ളിയാഴിച്ച വൈകിട്ട് ഇന്ത്യൻ സമയം രാത്രി ഒമ്പത് മണിക്ക് ആരംഭിക്കുന്ന വെബിനാർ സി.എം.ഐ മൂവാറ്റുപുഴ കാർമൽ പ്രൊവിൻസിന്റെ വികാർ പ്രൊവിൻഷ്യൽ ഫാ. റോയ് കണ്ണഞ്ചിറ സി എം ഐ ഉദ്‌ഘാടനം ചെയ്യും.

ചങ്ങനാശേരി അതിരൂപതാ പ്രവാസി അപ്പോസ്തലേറ്റ് ഡയറക്ടർ ഫാ. റ്റെജി പുതുവീട്ടിൽക്കളം അനുഗ്രഹ പ്രഭാഷണം നടത്തുന്ന വെബിനറിൽ ഫാ. ഡോ ജോബി ജോസ് കൊച്ചുമുട്ടം സി.എം.ഐ വിഷയാവതരണം നടത്തും. പ്രവാസി അപ്പോസ്തലേറ്റ് അസിസ്റ്റന്റ് ഡയറക്ടർ ഫാ. ജിജോ മാറാട്ടുകളം, ​ഗ്ലോബൽ കോർഡിനേറ്റർ ജോ കാവാലം, ഗൾഫ് കോർഡിനേറ്റർ ബിജു മട്ടാഞ്ചേരി, അതിരൂപതാ കോർഡിനേറ്റർ ഷെവലിയർ സിബി വാണിയപ്പുരക്കൽ, കുവൈറ്റ് കോർഡിനേറ്റർ ശ്രീ ഷാജിമോൻ ജോസഫ് ഈരേത്തറ എന്നിവർ ആശംസകൾ നേരും.

ഫാ. പ്ലാസിഡ് പൊടിപ്പാറയെക്കുറിച്ച് അറിയാൻ താല്പര്യമുള്ളവർക്ക് ഈ വെബിനാറിൽ പങ്കെടുക്കാനുള്ള സൗകര്യമൊരുക്കുമെന്ന് സ്റ്റഡി സെൽ കോർഡിനേറ്റർമാരായ സനോഷ് ബാബു, ബോബി തോമസ് കയ്യാലപ്പറമ്പിൽ, ബിജോയ് കട്ടപ്പുറം എന്നിവർ അറിയിച്ചു.

ഫാ. പ്ലാസിഡ് ജെ പൊടിപ്പാറ

സിറോ മലബാർ സഭയുടെ ആത്മീയ ചരിത്രത്തിലെ ശ്രദ്ധേയ വ്യക്തിത്വവും കർമ്മ ധീരനുമായിരുന്ന വ്യക്തിയായിരുന്നു.1899 ഒക്ടോബർ മൂന്നിന് കോട്ടയം മാന്നാനത്ത് ജനിച്ചു. മാ​ന്നാ​നം സെ​ന്‍റ് എ​ഫ്രേം​സ് സ്‌​കൂ​ളി​ല്‍ പ്രാ​ഥ​മി​ക വി​ദ്യാ​ഭ്യാ​സം പൂ​ര്‍​ത്തി​യാ​ക്കി​യ കൊ​ച്ചൗ​സേ​പ്പ​ച്ച​ന്‍ എ​ന്ന് വി​ളി​ച്ചി​രു​ന്ന ഫാദർ 1918 ല്‍ ​ക​ര്‍​മ​ലീ​ത്താ സ​ഭ​യി​ല്‍ ചേ​ര്‍​ന്ന് മാ​ര്‍ യൗ​സേ​പ്പി​ന്‍റെ പ്ലാ​സി​ഡ് എ​ന്ന പേ​ര് സ്വീ​ക​രി​ച്ച് 1919 സെ​പ്റ്റം​ബ​ര്‍ 15 ന് ​പ്ര​ഥ​മ സ​ന്ന്യാ​സ വ്ര​ത​വാ​ഗ്ദാ​നം ന​ട​ത്തി.

തൃ​ശൂ​ര്‍ അ​മ്പ​ഴ​ക്കാ​ട്ട് സന്യാ​സ​ പ​രി​ശീ​ല​ന​വും മം​ഗ​ലാ​പു​ര​ത്ത് ജെ​സ്യൂ​ട്ട് വൈ​ദി​ക​രു​ടെ ശി​ക്ഷ​ണ​ത്തി​ല്‍ വൈ​ദി​ക​ പ​രി​ശീ​ല​ന​വും പൂ​ര്‍​ത്തി​യാ​ക്കി. 1927 ഡി​സം​ബ​ര്‍ മൂ​ന്നി​ന് വൈ​ദി​കപ​ട്ടം സ്വീ​ക​രി​ച്ചു. റോമിൽ നിന്ന് ഫിലോസഫി, തിയോളജി, കാനോൻ ലോ എന്നിവയിൽ മൂന്ന് ഡോക്ടറേറ്റുകൾ നേടിയിട്ടുണ്ട്. ഇരുപത്തിനാല് വർഷം അദേഹം കേരളത്തിലെ സിഎംഐ കോൺഗ്രിഗേഷൻ്റെ മേജർ സെമിനാരിയിൽ പ്രൊഫസറായി സഭയെ സേവിച്ചു.

മാത്രമല്ല സീറോ മലബാർ, സീറോ മലങ്കര, ലത്തീൻ എപ്പാർക്കികളിൽ വിവിധ അപ്പോസ്തോലിക പ്രവർത്തനങ്ങളിൽ മുഴുകി പ്രസംഗങ്ങളും റിട്രീറ്റുകളും നൽകി ക്ലാസുകളെടുത്തു. പ്ലാസിഡ് അച്ചൻ 1985 ഏപ്രിൽ 27 ന് 86-ാം മത്തെ വയസിൽ ചങ്ങനാശേരി ചെത്തിപ്പുഴയിൽ വച്ച് കർതൃ സന്നിധിയിൽ ചേർക്കപ്പെട്ടു.