വത്തിക്കാനില്‍ ലോകമത പാര്‍ലമെന്റിന് ഇന്ന് തുടക്കം; ഫ്രാ​ന്‍സി​സ് മാ​ര്‍പാ​പ്പ നാളെ സമ്മേളനം ആ​ശീ​ര്‍വ​ദി​ക്കും

വത്തിക്കാന്‍ സിറ്റി: ശിവ​ഗിരി മഠത്തിന്റെ ആഭിമുഖ്യത്തിൽ വത്തിക്കാനില്‍ നടക്കുന്ന ലോകമത പാര്‍ലമെന്റിന് ഇന്ന് തുടക്കം. മത സമന്വയവും മത സൗഹാര്‍ദ്ദവും മുഖ്യഘടകമായി ഇന്ന് വൈകുന്നേരം വത്തിക്കാന്‍ സമയം ഏഴിന് സ്‌നേഹവിരുന്ന് നടത്തും. ശ്രീനാ​രാ​യ​ണ ഗു​രു ആ​ലു​വ അ​ദ്വൈ​താ​ശ്ര​മ​ത്തി​ൽ സം​ഘ​ടി​പ്പി​ച്ച സ​ർ​വ​മ​ത സ​മ്മേ​ള​ന​ത്തി​ന്‍റെ ശ​താ​ബ്ദി​യാ​ഘോ​ഷ​ത്തി​ന്‍റെ ഭാ​ഗ​മാ​യാ​ണ് വ​ത്തി​ക്കാ​നി​ൽ ലോ​ക​മ​ത പാ​ര്‍ല​മെ​ന്‍റ് ന​ട​ത്തു​ന്ന​ത്. ഡി​സം​ബ​ർ ഒ​ന്ന് വ​രെ​യാ​ണ് സ​മ്മേ​ള​നം.

ഫ്രാ​ന്‍സി​സ് മാ​ര്‍പാ​പ്പ നാളെ സ​മ്മേ​ള​ന​ത്തെ ആ​ശീ​ര്‍വ​ദി​ക്കും. ഈ ​സ​മ്മേ​ള​ന​ത്തി​ല്‍ വ​ത്തി​ക്കാ​നി​ലെ വി​വി​ധ മ​ത​പ്ര​തി​നി​ധി​ക​ള്‍ സം​ബ​ന്ധി​ക്കും. ശി​വ​ഗി​രി​മ​ഠം പ്ര​സി​ഡ​ന്‍റ് സ​ച്ചി​ദാ​ന​ന്ദ സ്വാ​മി അ​ധ്യ​ക്ഷ​ത വ​ഹി​ക്കും. പാ​ണ​ക്കാ​ട് സാ​ദി​ഖ് അ​ലി ത​ങ്ങ​ള്‍, ക​ര്‍ണാ​ട​ക സ്പീ​ക്ക​ര്‍ യു.​ടി. ഖാ​ദ​ര്‍, ഫാ. ​ഡേ​വി​സ് ചി​റ​മ്മ​ല്‍, ര​ഞ്ജി​ത് സിങ് (പ​ഞ്ചാ​ബ്), ഡോ. ​എ.​വി. അ​നൂ​പ്, കെ. ​മു​ര​ളീ​ധ​ര​ന്‍, ഡോ. ​സി.​കെ. ര​വി (ചെ​ന്നൈ), ഗോ​പു ന​ന്ദി​ല​ത്ത്, മ​ണ​പ്പു​റം ന​ന്ദ​കു​മാ​ര്‍, ഫൈ​സ​ല്‍ ഖാ​ന്‍ തു​ട​ങ്ങി​യ​വ​ര്‍ പ്ര​സം​ഗി​ക്കും. സച്ചിദാനന്ദ സ്വാമി തയ്യാറാക്കിയ സര്‍വമത സമ്മേളനം എന്ന പുസ്തകത്തിന്റെ ഇറ്റാലിയന്‍ പരിഭാഷയും ഗുരുവും ലോക സമാധാനവും എന്ന പുസ്തകത്തിന്റെ ഇംഗ്ലീഷ് പതിപ്പും പ്രകാശനം ചെയ്യും.

ഡി​സം​ബ​ര്‍ ഒ​ന്നി​നു​ള്ള സ​മ്മേ​ള​ന​ത്തി​ല്‍ ഇ​റ്റ​ലി​യി​ലെ ജ​ന​പ്ര​തി​നി​ധി​ക​ളും പ​ങ്കെ​ടു​ക്കും. നി​യു​ക്ത ക​ർ​ദി​നാ​ൾ ആ​ർ​ച്ച്ബി​ഷ​പ് മാ​ർ ജോ​ർ​ജ് കൂ​വ​ക്കാ​ട്ട്‌, ചാ​ണ്ടി ഉ​മ്മ​ൻ എം​എ​ൽ​എ, കെ.​ജി. ബാ​ബു​രാ​ജ​ന്‍, സ്വാ​മി വീ​രേ​ശ്വ​രാ​ന​ന്ദ എ​ന്നി​വ​രു​ള്‍പ്പെ​ട്ട​വ​രാ​ണ് സ​മ്മേ​ള​ന​ത്തി​നു നേ​തൃ​ത്വം ന​ല്‍കു​ന്ന​ത്.