വ​ത്തി​ക്കാ​ൻ ഡി​ക്കാ​സ്റ്റ​റി​യു​ടെ മുൻ അധ്യക്ഷൻ കർദിനാൾ ആഞ്ചലോ അമാത്തോ ദിവംഗതനായി

വത്തിക്കാൻ സിറ്റി : വിശുദ്ധരുടെ നാമകരണ ചടങ്ങുകളുമായി ബന്ധപ്പെട്ട ഡിക്കാസ്റ്ററിയുടെ മുൻ അധ്യക്ഷനും സലേഷ്യൻ സഭംഗവുമായ കർദിനാൾ ആഞ്ചലോ അമാത്തോ ദിവംഗതനായി. 86 വയസായിരുന്നു.

സംസ്കാര ശു​ശ്രൂ​ഷ ഇ​ന്ന് പ്രാ​ദേ​ശി​ക ​സ​മ​യം ഉ​ച്ച​ക​ഴി​ഞ്ഞ് ര​ണ്ടി​ന് സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ൽ ന​ട​ക്കും. ക​ർ​ദി​നാ​ൾ ജി​യോ​വാ​ന്നി ബാ​റ്റി​സ്റ്റ റെ ​മു​ഖ്യ​കാ​ർ​മി​ക​ത്വം വ​ഹി​ക്കും.ശു​ശ്രൂ​ഷ​യു​ടെ അ​വ​സാ​ന​ഘ​ട്ട ക​ർ​മ​ങ്ങ​ൾ​ക്ക് ഫ്രാ​ൻ​സി​സ് മാ​ർ​പാ​പ്പ മു​ഖ്യ​കാ​ർ​മി​ക​ത്വം വ​ഹി​ക്കും.

ജോ​ൺ പോ​ൾ ര​ണ്ടാ​മ​ൻ മാ​ർ​പാ​പ്പ, മ​ദ​ർ തെ​രേ​സ, ഫ്രാ​ൻ​സി​സ്കോ, ജ​സീ​ന്ത തു​ട​ങ്ങി 913 സ​മു​ന്ന​ത വ്യ​ക്തി​ത്വ​ങ്ങ​ളെ വി​ശു​ദ്ധ​രു​ടെ ഗ​ണ​ത്തി​ലേ​ക്ക് ഉ​യ​ർ​ത്താ​നു​ള്ള ന​ട​പ​ടി​ക്ര​മ​ങ്ങ​ൾ​ക്ക് ക​ർ​ദി​നാ​ൾ ആ​ഞ്ച​ലോ നേ​തൃ​ത്വം ന​ൽ​കി. സി​സ്റ്റ​ർ റാ​ണി മ​രി​യ​യു​ടെ വാ​ഴ്ത്ത​പ്പെ​ട്ട ര​ക്ത​സാ​ക്ഷിത്വ പ​ദ​വി പ്ര​ഖ്യാ​പ​ന​ത്തി​ന് നേ​തൃ​ത്വം ന​ല്‍കാ​ന്‍ 2017ൽ ​കർദിനാൾ ഇ​ന്‍ഡോ​റി​ലെ​ത്തി​യി​രു​ന്നു.

വി. ജോൺ പോൾ രണ്ടാമൻ പാപ്പയാണ് കർദിനാൾ ആഞ്ചലോ അമാത്തോയെ വിശ്വാസ തിരുസംഘത്തിന്റെ സെക്രട്ടറിയായും സീലയുടെ സ്ഥാനിക ആർച്ച് ബിഷപ്പായും നിയമിച്ചത്. തുടർന്ന് 2008 ജൂലൈ ഒമ്പതിന് ബെനഡിക്ട് പതിനാറാമൻ പാപ്പ അദ്ദേഹത്തെ വിശുദ്ധരുടെ നാമകരണ ചടങ്ങുകളുമായി ബന്ധപ്പെട്ട ഡികാസ്റ്ററിയുടെ അധ്യക്ഷനായി നിയമിക്കുകയായിരുന്നു.

2010 നവംബർ 20 ന് നടന്ന കൺസിസ്റ്ററിയിൽ മുൻ കത്തോലിക്കാ സഭാധ്യക്ഷൻ അദേഹത്തെ കർദിനാളായി ഉയർത്തി. 2013 ഡിസംബർ 19 ന് ഫ്രാൻസിസ് മാർപാപ്പ കർദിനാൾ അമാത്തോയുടെ ഡികാസ്റ്ററിയിലെ സ്ഥാനം തുടരാൻ നിർദേശിച്ചതിനെത്തുടർന്ന് 2018 വരെ അദ്ദേഹം തൽസ്ഥാനത്ത് തുടരുകയായിരുന്നു.

1938 ജൂൺ എട്ടിന് തെക്കൻ ഇറ്റലിയിലുള്ള ബാരിയിലെ മൊൾഫെത്തയിലാണ് കർദിനാൾ ആഞ്ചലോ അമാത്തോ ജനിച്ചത്. സലേഷ്യൻ യൂണിവേഴ്സിറ്റി മുൻ ഡീൻ കൂടിയായ കർദിനാൾ അമാത്തോ വിശ്വാസ തിരുസംഘം, ക്രൈസ്തവ ഐക്യത്തിനും മതാന്തര സംവാദങ്ങൾക്കും വേണ്ടിയുള്ള ഡികാസ്റ്ററി എന്നിവയുടെ കൂടിയാലോചനാംഗമായും അന്താരാഷ്ട്ര മരിയൻ അക്കാദമിയുടെ ഉപദേശകനായും സേവനമനുഷ്ഠിച്ചിട്ടുണ്ട്.