ന്യൂഡല്ഹി: ജനറല് പ്രോവിഡന്റ് ഫണ്ടില് മാതാപിതാക്കളെ നോമിനിയാക്കിയ വ്യക്തി വിവാഹിതനാകുന്നതോടെ അസാധുവാകുമെന്ന് സുപ്രീം കോടതി. ഡിഫന്സ് അക്കൗണ്ട്സ് വകുപ്പ് ജീവനക്കാരന് മരിച്ചപ്പോള് പിഎഫിലെ തുക ഭാര്യക്കും അമ്മയ്ക്കും തുല്യമായി വീതിച്ചു നല്കാന് നിര്ദേശിച്ചാണ് സുപ്രീം കോടതിയുടെ നിരീക്ഷണം.
2000 ലാണ് ജീവനക്കാരന് ജോലിക്ക് ചേര്ന്നത്. അന്ന് അമ്മ ആയിരുന്നു നോമിനി. 2003 ല് വിവാഹിതനായപ്പോള് കേന്ദ്ര ജീവനക്കാര്ക്കുള്ള ഗ്രൂപ്പ് ഇന്ഷുറന്സ്, ഗ്രാറ്റ്വിറ്റി എന്നിവയില് നിന്ന് അമ്മയുടെ പേരുമാറ്റി ഭാര്യയെ നോമിനിയാക്കി. പക്ഷേ, പിഎഫിലെ നോമിനിയെ മാറ്റിയിരുന്നില്ല. 2021 ല് ജീവനക്കാരന് മരിച്ചതിനെ തുടര്ന്നാണ് തര്ക്കം ഉടലെടുത്തത്.
ഭാര്യക്കും അമ്മയ്ക്കും തുല്യമായി പിഎഫ് തുക നല്കാനാണ് കേന്ദ്ര അഡ്മിനിസ്ട്രേറ്റീവ് ട്രിബ്യൂണല് വിധിച്ചത്. അമ്മയുടെ പേര് നോമിനിയില് നിന്ന് മാറ്റിയിരുന്നില്ലെന്ന് ചൂണ്ടിക്കാട്ടിയ ഹൈക്കോടതി ഭാര്യക്ക് പിഎഫ് നല്കാനാവില്ലെന്ന് ഉത്തരവിട്ടിരുന്നു. എന്നാല് ജീവനക്കാരന് നോമിനിയെ മാറ്റിയില്ലെങ്കിലും വിവാഹം കഴിയുന്നതോടെ അത് അസാധുവാകുമെന്ന് വ്യക്തമാക്കിയാണ് സുപ്രീം കോടതി നടപടി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.