തിരുവനന്തപുരം: വീണ്ടും ചട്ടവിരുദ്ധ നടപടിയുമായി തിരുവനന്തപുരത്തെ ബിജെപി സ്ഥാനാര്ഥി ആര്.ശ്രീലേഖ. പ്രീപോള് സര്വേ ഫലം സാമൂഹ്യ മാധ്യമത്തിലൂടെ പങ്കുവച്ചതാണ് ഇപ്പോള് വിവാദം ആയിരിക്കുന്നത്. തിരുവനന്തപുരം കോര്പറേഷനില് എന്ഡിഎക്ക് മുന്തൂക്കം എന്ന സര്വേ ഫലമാണ് പങ്കുവെച്ചത്.
കോര്പറേഷനിലെ ശാസ്തമംഗലം വാര്ഡില് സ്ഥാനാര്ഥിയാണ് ആര്.ശ്രീലേഖ. പ്രീ പോള് സര്വേ പ്രസിദ്ധീകരിക്കാന് പാടില്ല എന്ന സുപ്രീം കോടതിയുടെയും തിരഞ്ഞെടുപ്പ് കമ്മീഷന്റെയും മാര്ഗ നിര്ദേശം നിലനില്ക്കെയാണ് ശ്രീലേഖയുടെ ചട്ടവിരുദ്ധ നടപടി. ബിജെപിയ്ക്ക് തിരുവനന്തപുരം കോര്പറേഷനില് ഭൂരിപക്ഷമുണ്ടാകും എല്ഡിഎഫ് പിന്നോട്ട് പോകും എന്നുള്ള ഒരു സ്വകാര്യ സര്വേയാണ് ശ്രീലേഖ പങ്കുവച്ചത്.
തിരഞ്ഞെടുപ്പ് പ്രചാരണത്തിനായുള്ള പോസ്റ്ററുകളില് പേരിനൊപ്പം ഐപിഎസ് ഉപയോഗിച്ചത് അടക്കമുള്ള വിവാദങ്ങള് നേരത്തെ തന്നെ ശ്രീലേഖക്കെതിരെ ഉയര്ന്നു വന്നിരുന്നു. നടി ആക്രമിക്കപ്പെട്ട വിഷയത്തില് ദിലീപിനെ അനുകൂലിച്ചും ശ്രീലേഖ രംഗത്ത് വന്നിരുന്നു. നിലവില് ചട്ടവിരുദ്ധ നടപടിയുമായി ബന്ധപ്പെട്ട് എല്ഡിഎഫ് തിരഞ്ഞെടുപ്പ് കമ്മീഷനെ സമീപിക്കാന് ഒരുങ്ങുകയാണ്. കോണ്ഗ്രസും തിരഞ്ഞെടുപ്പ് കമ്മീഷനെ സമീപിച്ചേക്കുമെന്നാണ് സൂചന.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.