പാലക്കാട്: അന്തരിച്ച മുന് മുഖ്യമന്ത്രിയും കോണ്ഗ്രസ് നേതാവുമായ ഉമ്മന് ചാണ്ടിയുടെ പേരില് സത്യപ്രതിജ്ഞ ചെയ്ത പഞ്ചായത്ത് അംഗത്തോട് ഹൈക്കോടതി വിശദീകരണം തേടി.
പാലക്കാട് വടക്കഞ്ചേരി പഞ്ചായത്തിലെ 21-ാം വാര്ഡില്നിന്നു വിജയിച്ച കോണ്ഗ്രസ് അംഗം സുനില് ചവിട്ടുപാടമാണ് ഉമ്മന് ചാണ്ടിയുടെ നാമത്തില് സത്യപ്രതിജ്ഞ ചെയ്തത്.
ഇത് കേരള പഞ്ചായത്ത് രാജ് നിയമത്തിന്റെ ലംഘനമാണെന്ന് ചൂണ്ടിക്കാട്ടി 15-ാം വാര്ഡില് നിന്ന് തിരഞ്ഞെടുക്കപ്പെട്ട എല്ഡിഎഫ് അംഗം സി. കണ്ണന് നല്കിയ ഹര്ജിയിലാണ് ഹൈക്കോടതി വിശദീകരണം തേടിയത്.
നിയമലംഘനം നടത്തിയതിനാല് പഞ്ചായത്ത് അംഗമായി തുടരാന് സുനിലിന് അര്ഹതയില്ലെന്നും ഇന്ന് നടക്കുന്ന പ്രസിഡന്റ് തിരഞ്ഞെടുപ്പില് പങ്കെടുക്കാന് അനുവദിക്കരുതെന്നുമാണ് ഹര്ജിക്കാരന് ആവശ്യപ്പെട്ടത്. എന്നാല് പ്രസിഡന്റ് തിരഞ്ഞെടുപ്പില് സുനിലിനെ പങ്കെടുക്കാന് അനുവദിക്കരുതെന്ന ആവശ്യം കോടതി അനുവദിച്ചില്ല.
ഹര്ജിക്കാരന്റെ വാദത്തില് പ്രഥമദൃഷ്ട്യാ കഴമ്പുണ്ടെന്നു വിലയിരുത്തിയ ഹൈക്കോടതി മൂന്നാഴ്ചയ്ക്കുള്ളില് എതിര്കക്ഷികള് വാദം പൂര്ത്തിയാക്കാന് നിര്ദേശിച്ച് കേസ് ജനുവരി 23 ലേക്ക് മാറ്റി. അതേസമയം ഇന്ന് പ്രസിഡന്റ് തിരഞ്ഞെടുപ്പ് നടത്തുന്നതിന് തടസമില്ലെന്ന് ജസ്റ്റിസ് എന്. നഗരേഷ് വ്യക്തമാക്കി.
കഴിഞ്ഞ 30 വര്ഷമായി എല്ഡിഎഫ് ഭരിക്കുന്ന പഞ്ചായത്താണ് വടക്കഞ്ചേരി. ഇത്തവണത്തെ തിരഞ്ഞെടുപ്പില് യുഡിഎഫിനും എല്ഡിഎഫിനും ഒമ്പത് സീറ്റുകള് വീതമാണ് ലഭിച്ചത്. മൂന്ന് സീറ്റ് ബിജെപി നേടിയപ്പോള് ഒരു സ്വതന്ത്രനും വിജയിച്ചു. സ്വതന്ത്രന്റെ പിന്തുണയോടെയാണ് ഇക്കുറി യുഡിഎഫ് ഭരണം ഉറപ്പിച്ചത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.