കൊല്‍ക്കത്ത: സംസ്ഥാനത്ത് കോവിഡ് വ്യാപനം രൂക്ഷമായ സാഹചര്യത്തില്‍ നടക്കാനിരിക്കുന്ന തിരഞ്ഞെടുപ്പുകള്‍ ഒറ്റഘട്ടമായി നടത്തണമെന്ന ആവശ്യവുമായി പശ്ചിമ ബംഗാള്‍ മുഖ്യമന്ത്രി മമത ബാനര്‍ജി. പൊതുജനങ്ങളുടെ താല്‍പര്യം പരിഗണിച്ചാണ് ആവശ്യപ്പെടുന്നത്. തിരഞ്ഞെടുപ്പ് കമ്മീഷൻ ഇക്കാര്യം പരിഗണിക്കണമെന്നും എട്ടുഘട്ടങ്ങളിലായി നടക്കുന്ന വോട്ടെടുപ്പ് കോവിഡ് വ്യാപനം രൂക്ഷമാക്കുമെന്നും അവര്‍ പറഞ്ഞു.
'കോവിഡ് വ്യാപനം രൂക്ഷമായ സാഹചര്യത്തില്‍ എട്ടുഘട്ടമായി ബംഗാള്‍ നിയമസഭ തിരഞ്ഞെടുപ്പ് നടത്തുന്നതിനെ ഞങ്ങള്‍ ശക്തമായി എതിര്‍ക്കുന്നു. കോവിഡ് നിരക്ക് ഉയരുന്ന സാഹചര്യത്തില്‍ നടക്കാനിരിക്കുന്ന വോട്ടെടുപ്പ് ഒറ്റ ഘട്ടമായി നടത്തണമെന്ന ആവശ്യം തിരഞ്ഞെടുപ്പ് കമ്മീഷൻ പരിഗണിക്കണം' -മമത ബാനര്‍ജി പറഞ്ഞു.
ഏപ്രില്‍ 17നാണ് ബംഗാളില്‍ അഞ്ചാംഘട്ട തിരഞ്ഞെടുപ്പ്. നടക്കാനിരിക്കുന്ന മൂന്നുഘട്ട തിരഞ്ഞെടുപ്പുകള്‍ ഒറ്റഘട്ടമായി നടത്തണമെന്ന ആവശ്യം സമൂഹമാധ്യമങ്ങളില്‍ അടക്കം ഉയര്‍ന്നിരുന്നു. 135 നിയമസഭ മണ്ഡലങ്ങളിലേക്കുള്ള തിരഞ്ഞെടുപ്പ് കഴിഞ്ഞു. 159 മണ്ഡലങ്ങളിലേക്ക് ഏപ്രില്‍ 17 മുതല്‍ 29 വരെ തിരഞ്ഞെടുപ്പ് നടക്കും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.