കാക്കനാട്: സീറോമലബാർ സഭയുടെ കുടുംബത്തിനും അൽമായർക്കും ജീവനും വേണ്ടിയുള്ള സിനഡൽ കമ്മീഷന്റെ അൽമായ ഫോറം സെക്രട്ടറിയായി തൃശൂർ അതിരൂപതയിലെ കുരിയച്ചിറ സെന്റ് ജോസഫ്‌സ് ഇടവകാംഗമായ ടോണി ചിറ്റിലപ്പിള്ളിയെ കമ്മീഷൻ ചെയർമാൻ മാർ ജോസഫ് കല്ലറങ്ങാട്ട് നിയമിച്ചു. നിര്യാതനായ അഡ്വ. ജോസ് വിതയത്തിലിന്റെ ഒഴിവിലാണ് പുതിയ നിയമനം നടത്തിയിരിക്കുന്നത്.
ബിസിനസ് മാനേജ്‌മെന്റിൽ ബിരുദാനന്തര ബിരുദമുള്ള ടോണി ചിറ്റിലപ്പിള്ളി ദീർഘകാലം വിദേശത്ത്‌ ജോലി ചെയ്തു. പിന്നീട്‌ ശാലോം-സോഫിയ പ്രസിദ്ധീകരണ വിഭാഗം തലവനായിരുന്നു. ക്രൈസ്തവ ചിന്തകൻ, എഴുത്തുകാരൻ, ടി.വി അവതാരകൻ എന്നീ നിലകളിൽ മാധ്യമ ലോകത്ത്‌ സജീവമാണ്.
ക്രൈസ്തവ ചിന്തകന്‍ , സാഹിത്യകാരന്‍ ,ടെലിവിഷന്‍ അവതാരകന്‍ തുടങ്ങിയ നിലകളില്‍ ടോണി അറിയപ്പെടുന്നു. ഫ്രാൻസിസ് മാർപാപ്പയെക്കുറിച്ചുള്ള ഗ്രന്ഥങ്ങളിലൂടെ ജനശ്രദ്ധ നേടി. നിരവധി ഗ്രന്ഥങ്ങളുടെ രചയിതാവായ ടോണി ചിറ്റിലപ്പിള്ളി, 2019 ലെ ജെ.സി.ഡാനിയേല്‍ അക്കാദമിയുടെ സാഹിത്യ ശ്രേഷ്ഠ അവാർഡ്, ബിഷപ്പ് മാക്കീൽ ഫൗണ്ടേഷൻ അവാർഡ്, മേരിവിജയം കവിതാ പുരസ്‌കാരം എന്നിവ നേടിയിട്ടുണ്ട്.
മലയാളത്തിലും ഇംഗ്ലീഷിലും ആയി നിരവധി ഗ്രന്ഥങ്ങള്‍ പ്രസിദ്ധീകരിച്ചു. പ്രസിദ്ധീകരിച്ച പുസ്തകങ്ങള്‍ എല്ലാം തന്നെ ബെസ്റ്റ് സെല്ലറായി. ടെലിവിഷന്‍ അവതാരകനായും ,പ്രചോദന ഗ്രന്ഥ രചയിതാവായും ശ്രദ്ധ നേടി .വിദേശ ഭാഷകളിലുള്ള പ്രാവീണ്യം, ക്രൈസ്തവ ലോകത്തിലെ ഇടപെടലുകള്‍ തുടങ്ങിയവ ശ്രദ്ധേയനാക്കുന്നു .ആനുകാലിക പ്രസിദ്ധീകരണങ്ങളില്‍ നിരന്തരം എഴുതുന്നു.ശാലോം ,ഗുഡ്‌നെസ്സ് ടെലിവിഷനുകളില്‍ പ്രവര്‍ത്തിച്ചു .കോഴിക്കോട് സോഫിയ പ്രസിദ്ധീകരണത്തിന്റെ തലവനായിരുന്നു .ദൈവ ശാസ്ത്രത്തിലും ,തത്വ ശാസ്ത്രത്തിലും ബിരുദങ്ങള്‍ നേടി.
ഭാര്യ, ജിനു. കെ. ജോസഫ് (അസി. എക്സിക്യൂട്ടീവ് എഞ്ചിനീയർ, കെ. എസ്. ഇ. ബി, മുതുവറ), മക്കൾ, ജോവന്ന, ഇസബെല്ല, റബേക്ക, ജൊഹാൻ, ആമി എന്നിവരാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.