തിരുവനന്തപുരം: സംസ്ഥാനത്ത് വാര്ഡുതല കോവിഡ് പ്രതിരോധ പ്രവര്ത്തനങ്ങള് ശക്തമാക്കും. കോവിഡ് രോഗികളുടെ എണ്ണം വര്ധിക്കുന്ന സാഹചര്യത്തില് തദ്ദേശ സ്വയംഭരണ വകുപ്പ് മന്ത്രി എം.വി ഗോവിന്ദന് മാസ്റ്റര്, ആരോഗ്യ വകുപ്പ് മന്ത്രി വീണാ ജോര്ജ് എന്നിവരുടെ നേതൃത്വത്തില് ചേര്ന്ന യോഗത്തിലാണ് തീരുമാനം. ഇതിനായി വാര്ഡുതല കമ്മിറ്റികള് ശക്തിപ്പെടുത്തും.
എല്ലാ വാര്ഡുകളിലും റാപ്പിഡ് റെസ്പോണ്സ് ടീം (ആര്ആര്ടി) വോളണ്ടിയന്മാരെ സജീവമാക്കും. കൂടാതെ തദ്ദേശ സ്ഥാപന തലത്തില് അവബോധ പ്രവര്ത്തനങ്ങള് ശക്തമാക്കും. കുടുംബശ്രീ പ്രവര്ത്തകരെ കൂടി അവബോധ പ്രവര്ത്തനങ്ങളില് പങ്കെടുപ്പിക്കും. തദ്ദേശ സ്ഥാപനങ്ങളുമായി ബന്ധപ്പെടുത്തി വാക്സിനേഷന് പ്രവര്ത്തനങ്ങളും ഊര്ജിതമാക്കി.
വ്യാപനം കൂടിയ പ്രദേശങ്ങളില് കൂടുതല് ശ്രദ്ധ പതിപ്പിച്ച് പ്രവര്ത്തനങ്ങള് ഏകോപിക്കുമെന്നും യോഗത്തില് വ്യക്തമാക്കി. ഒപ്പം
ജില്ലാ ദുരന്ത നിവാരണ അതോറിറ്റി നിര്ദേശിക്കുന്ന സ്ഥലങ്ങളില് തദ്ദേശ സ്ഥാപനങ്ങളുടെ മേല്നോട്ടത്തില് കൂടുതല് സിഎഫ്എല്ടിസികള് സജ്ജമാക്കും. ആവശ്യമെങ്കില് ഹോസ്റ്റലുകള് ഏറ്റെടുക്കുമെന്നും യോഗത്തില് വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26