ദുബായ്: അർബുദ ബോധവല്‍ക്കരണത്തിനായി സംഘടിപ്പിക്കുന്ന പിങ്ക് കാരവന്‍ ഫെബ്രുവരി നാലുമുതല്‍ ആരംഭിക്കും. ലോക അർബുദ ദിനത്തോട് അനുബന്ധിച്ചാണ് കാരവന്‍ സംഘടിപ്പിക്കുന്നത്. യുഎഇയില്‍ പ്രവർത്തിക്കുന്ന സന്നദ്ധ സംഘടനയായ ഫ്രണ്ട്‌സ് ഓഫ് ക്യാൻസർ പേഷ്യന്‍റ്സാണ് (എഫ്‌ഒസിപി) പിങ്ക് കാരവന്‍ സംഘടിപ്പിക്കുന്നത്.
സ്തനാർബുദമുള്‍പ്പടെയുളള അർബുദത്തെ കുറിച്ചുളള ബോധവല്‍ക്കരണമാണ് ലക്ഷ്യമിടുന്നത്. പുരുഷന്മാർക്ക് സ്തനാർബുദം വരില്ല എന്ന തെറ്റായ ധാരണ ഇല്ലാതാക്കാൻ കൂടി ലക്ഷ്യമിട്ടാണ് ബോധവല്‍ക്കരണം നടക്കുക. ക്ലിനിക്കൽ, അൾട്രാസൗണ്ട്, സ്ത്രീകൾക്കും പുരുഷന്മാർക്കും മാമോഗ്രാം എന്നിവ ഉൾപ്പെടെയുളള സ്തനാർബുദ മെഡിക്കൽ സ്ക്രീനിംഗുകളും സൗജന്യമായി നടത്തും.കാരവനോടനുബന്ധിച്ച് സ്ത്രീകൾക്കും പുരുഷന്മാർക്കും വേണ്ടിയുള്ള സൗജന്യ സ്തനാർബുദ മെഡിക്കൽ പരിശോധന ഒരുക്കും.
രാജ്യത്തുടനീളം സഞ്ചരിക്കുന്ന ബോധവല്‍ക്കരണ യാത്രയിൽ പങ്കാളികളാകാൻ ആഗ്രഹിക്കുന്ന കുതിരസവാരിക്കാർ സംഘടനയുടെ വെബ്സൈറ്റ് വഴി രജിസ്റ്റർ ചെയ്യണമെന്ന് അധികൃതർ ആവശ്യപ്പെട്ടു. പിങ്ക് കാരവന്‍റെ 11 മത് എഡിഷനാണ് ഇത്തവണ നടക്കുന്നത്. ഓരോ തവണയും സമൂഹത്തില്‍ നിന്ന് ലഭിക്കുന്ന പിന്തുണയാണ് വീണ്ടും കാരവന്‍ സംഘടിപ്പിക്കാനുളള പ്രചോദനമെന്ന് പിങ്ക് കാരവൻ റൈഡ് ഉന്നതതല കമ്മിറ്റി ചെയർപേഴ്സൻ റീം ബിൻകറം പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.