അമേരിക്കൻ പ്രസിഡന്റ് ജോ ബൈഡന് കുരുക്ക് മുറുകുന്നു: രഹസ്യ സർക്കാർ രേഖകളുടെ രണ്ടാമത്തെ ബാച്ച് കണ്ടെത്തി

വാഷിംഗ്ടൺ: ആരോപണ പ്രത്യാരോപണങ്ങൾക്കിടെ അമേരിക്കൻ പ്രസിഡന്റ് ജോ ബൈഡന്റെ സഹായികൾ രഹസ്യ സർക്കാർ രേഖകളുടെ രണ്ടാമത്തെ ബാച്ച് കണ്ടെത്തി. ജോ ​ബൈ​ഡ​ന്റെ സ്വ​കാ​ര്യ ഓ​ഫി​സി​ൽ നി​ന്നായിരുന്നു ആദ്യത്തെ ബാച്ച് ഔ​ദ്യോ​ഗി​ക ര​ഹ​സ്യ രേ​ഖ​ക​ൾ ക​ണ്ടെ​ത്തിയത്. വാ​ഷി​ങ്ട​ണി​ലെ പെ​ൻ ബൈ​ഡ​ൻ സെ​ന്റ​ർ ഫോ​ർ ഡി​പ്ലോ​മ​സി ആ​ൻ​ഡ് ഗ്ലോ​ബ​ൽ എ​ൻ​ഗേ​ജ്മെ​ന്റി​ലാ​ണ് ബ​റാ​ക് ഒ​ബാ​മ പ്രസിഡ​ന്റും ജോ ​​ബൈ​ഡ​ൻ ​വൈ​സ് ​പ്ര​സി​ഡ​ന്റു​മാ​യി​രു​ന്ന സ​മ​യ​ത്തു​ള്ള ഡ​സ​നോ​ളം ഔ​ദ്യോ​ഗി​ക ര​ഹ​സ്യ രേ​ഖ​കൾ കണ്ടെത്തിയത്.

അതേസമയം ബൈഡന്റെ സഹായികൾ എപ്പോൾ, എവിടെ നിന്നാണ് രണ്ടാമതും ഫയലുകൾ കണ്ടെത്തിയതെന്ന് ഇതുവരെ വ്യക്തമായിട്ടില്ല. സം​ഭ​വ​ത്തി​ൽ ഷി​കാ​ഗോ​യി​ലെ അമേരിക്കൻ അ​റ്റോ​ണി അ​ന്വേ​ഷ​ണം ആ​രം​ഭി​ച്ചിരുന്നു. അമേ​രി​ക്ക​ൻ അ​റ്റോ​ണി ജ​ന​റ​ൽ മെ​റി​ക് ഗാ​ർ​ലാ​ന്റി​ന്റെ നി​ർ​ദേ​ശ​പ്ര​കാ​ര​മാ​ണ് അന്വേഷണം ന​ട​ക്കു​ന്ന​ത്.

പുതുതായി കണ്ടെത്തിയ ബാച്ചിനെക്കുറിച്ച് വൈറ്റ് ഹൗസ് ഇതുവരെ പ്രതികരിച്ചിട്ടില്ല.

വൈറ്റ് ഹൗസിന് സമീപമുള്ള പെ​ൻ ബൈ​ഡ​ൻ സെ​ന്റ​ർ ​ഓ​ഫി​സ് ഒ​ഴി​വാ​ക്കു​ന്ന​തി​നാ​യി വൃത്തിയാക്കിയപ്പോഴാ​ണ് അ​ട​ച്ചി​ട്ടി​രു​ന്ന ശു​ചി​മു​റി​യി​ൽ​ നി​ന്ന് ആദ്യത്തെ ബാച്ച് രേ​ഖ​ക​ൾ ക​​ണ്ടെ​ത്തി​യ​ത്. നവംബറിലാണ് 10 ഓളം രേഖകളുടെ യഥാർത്ഥ ബാച്ച് കണ്ടെത്തിയെങ്കിലും ഈ ആഴ്ച മാത്രമാണ് സംഭവം പുറംലോകം അറിഞ്ഞത്.

ഉക്രെയ്ൻ, ഇറാൻ, ബ്രിട്ടൻ എന്നിവയുമായി ബന്ധപ്പെട്ട അമേരിക്കൻ ഇന്റലിജൻസ് മെമ്മോകളും ബ്രീഫിംഗ് മെറ്റീരിയലുകളും ഈ പേപ്പറുകളിൽ ഉൾപ്പെടുന്നു.

2017-2019 കാ​ല​യ​ള​വി​ൽ ബൈ​ഡ​ൻ പെ​ൻ​സ​ൽ​വേ​നി​യ സ​ർ​വ​ക​ലാ​ശാ​ല​യി​ലെ വി​സി​റ്റി​ങ് പ്ര​ഫ​സ​റാ​യി​രു​ന്ന ഓ​ഫി​സി​ൽ​നി​ന്ന് 2022 ന​വം​ബ​റി​ൽ അ​ദ്ദേ​ഹ​ത്തി​ന്റെ അ​ഭി​ഭാ​ഷ​ക​ർ ത​ന്നെ​യാ​ണ് രേ​ഖ​ക​ൾ ക​ണ്ടെ​ത്തി​യ​ത്. ഇ​വ​ർ നീ​തി​ന്യാ​യ വ​കു​പ്പി​നെ​യും നാ​ഷ​ന​ൽ ആ​ർ​ക്കൈ​വ്സി​നെ​യും അ​റി​യി​ക്കു​ക​യാ​യി​രു​ന്നു.

അധിക രേഖകൾ എപ്പോൾ കണ്ടെത്തിയെന്നും വൈസ് പ്രസിഡന്റായിരുന്ന കാലം മുതൽ ബൈഡന്റെ കൈവശമുള്ള മറ്റേതെങ്കിലും ക്ലാസിഫൈഡ് മെറ്റീരിയലുകൾക്കായുള്ള തിരച്ചിൽ പൂർത്തിയായിട്ടുണ്ടോ എന്നും വ്യക്തമല്ല.

അതേസമയം വൈസ് പ്രസിഡന്റ് സ്ഥാനത്തുനിന്നും വിരമിക്കുമ്പോൾ ഗവൺമെന്റ് രേഖകളും ക്ലാസിഫൈഡ് ഡോക്യുമെന്റ്സും താൻ സ്വകാര്യ ഓഫീസിലേക്ക് മാറ്റിയെന്ന ആരോപണം തന്നെ അതിശയിപ്പിക്കുന്നതാണ് എന്നാണ് ജനുവരി 10 ന് പുറത്തിറക്കിയ ഒരു പ്രസ്താവനയിൽ ബൈഡൻ പ്രതികരിച്ചത്.

ഇത്തരം രേഖകൾ അവിടെ ഉണ്ടായിരുന്നുവോ എന്ന് പോലും തനിക്ക് അറിയില്ലായിരുന്നുവെന്നും എന്നിരുന്നാലും നീതിന്യായ വകുപ്പിന്റെ അന്വേഷണവുമായി താൻ സഹകരിക്കുമെന്നും അദ്ദേഹം കൂടിചേർത്തു.

മുൻ റിപ്പബ്ലിക്കൻ പ്രസിഡന്റ് ഡൊണാൾഡ് ട്രംപ് രഹസ്യ ഫയലുകൾ തെറ്റായി കൈകാര്യം ചെയ്‌തെന്ന കുറ്റത്തിന് ക്രിമിനൽ അന്വേഷണം നേരിടുന്ന സാഹചര്യത്തിലാണ് ബൈഡനും രഹസ്യ സർക്കാർ രേഖകൾ അശ്രദ്ധമായി കൈകാര്യം ചെയ്തിരിക്കുന്നത്. വൈറ്റ് ഹൗസിന്റെ എല്ലാ രേഖകളും, ക്ലാസിഫൈഡ് അടക്കം, ഒരു ഭരണകൂടം അധികാരത്തിലേറിയ ശേഷം അമേരിക്കൻ നാഷണൽ ആർക്കൈവ്‌സിന് കൈമാറണമെന്നാണ് നിയമം അനുശാസിക്കുന്നത്.

ട്രംപിന്റെ ഫ്ളോറിഡയിലെ വസതിയിൽ നിന്നും നാഷണൽ ആർക്കൈവ്സിന് കൈമാറാത്ത പതിനായിരത്തിലധികം ഔദ്യോഗിക രേഖകൾ പിടിച്ചെടുത്തിരുന്നു. ഈ വിഷയത്തിൽ അന്വേഷണം നടക്കുന്നതിനിടയിൽ ബൈഡനെതിരെ ഉന്നയിക്കപ്പെട്ടിരിക്കുന്ന ആരോപണം മറ്റൊരു വിവാദത്തിന് വഴിവെച്ചിരിക്കുകയാണ്.

അമേരിക്കൻ ഹൗസിൽ ഭൂരിപക്ഷമുള്ള റിപ്പബ്ലിക്കൻ പാർട്ടി ബൈഡനെതിരെ അന്വേഷണം ആവശ്യപ്പെട്ട് പ്രമേയം അവതരിപ്പിച്ചാൽ പ്രശ്നങ്ങൾ കൂടുതൽ സങ്കീർണമാകുമെന്നാണ് രാഷ്ട്രീയ നിരീക്ഷകർ വിലയിരുത്തുന്നത്. ഇതോടെ വരുംദിവസങ്ങളിൽ ആരോപണ പ്രത്യാരോപണങ്ങളുടെ ഒരു വേലിയേറ്റം തന്നെ നടക്കുന്നതിനുള്ള സാധ്യതകൾ വർധിച്ചിരിക്കുകയാണ്.