ഷാ‍ർജ ദുബായ് - കോഴിക്കോട് എയർ ഇന്ത്യക്ക് പകരം എയർ ഇന്ത്യാ എക്സ പ്രസ്

ദുബായ്: ഷാർജയില്‍ നിന്നും ദുബായില്‍ നിന്നും സർവ്വീസ് നടത്തിയിരുന്ന എയർ ഇന്ത്യയ്ക്ക് പകരം എയർ ഇന്ത്യാ എക്സ്പ്രസ് സർവ്വീസ് നടത്തും. കേ​ന്ദ്ര വ്യോ​മ​യാ​ന മ​ന്ത്രി ജ്യോ​തി​രാ​ദി​ത്യ സി​ന്ധ്യ, എം.​പി അ​ബ്ദു​സ്സ​മ​ദ് സ​മ​ദാ​നി എം.​പി​യെ അറിയിച്ചതാണ് ഇക്കാര്യം.

നിലവില്‍ ദുബായില്‍ നിന്ന് കോഴിക്കോട്ടേക്ക് പുലർച്ചെ 2.20 നും വൈകീട്ട് 4.05 നും എയർ ഇന്ത്യ എക്സ് പ്രസ് സർവ്വീസുണ്ട്. എ​യ​ർ ഇ​ന്ത്യ​യു​ടെ വി​മാ​ന സ​ർ​വീ​സ് ദു​ബാ​യി​ൽ നി​ന്ന് ഉ​ച്ച​ക്ക് 1.10 നാ​ണ്. മാർച്ച് 26 മുതല്‍ ഇതേ സെക്ടറില്‍ എ​യ​ർ ഇ​ന്ത്യ എ​ക്സ്പ്ര​സി​ന്‍റെ രണ്ടു സ​ർ​വി​സു​ക​ളി​ലാണ് ബുക്കിംഗ് കാണിക്കുന്നത്.ഉച്ചയ്ക്ക് 12.30 നും രാത്രി 11.40 നുമാണ് സർവ്വീസ്. അതായത് ദുബായില്‍ നിന്ന് കോഴിക്കോട്ടേക്ക് ഇരു വിമാന കമ്പനികള്‍ക്കുമായി 3 സർവ്വീസുകളുണ്ടായിരുന്നത് എയർ ഇന്ത്യാ എക്സ്പ്രസിന്‍റെ 2 സർവ്വീസുകളായി ചുരുങ്ങി.

ഷാ​ർ​ജ​യി​ൽ നി​ന്നും കോ​ഴി​ക്കോ​ട്ടേ​ക്ക് നിലവില്‍ രാ​ത്രി 11.45 നാ​ണ് എ​യ​ർ ഇ​ന്ത്യ സ​ർ​വീ​സ് ഉ​ള്ള​ത്.ഇതിന് പകരം എയർ ഇന്ത്യാ എക്സ്പ്രസ് സർവ്വീസ് നടത്തും. എന്നാല്‍ സമയത്തില്‍ വ്യത്യാസമുണ്ട്. രാത്രി 12.10 ന് പുറപ്പെട്ട് പുലർച്ചെ 5.50 ന് കോഴിക്കോട്ട് എത്തുന്ന രീതിയിലാണ് ക്രമീകരണം.നി​ല​വി​ൽ എ​ല്ലാ ദി​വ​സ​വും ഇ​തേ റൂ​ട്ടി​ൽ ഉ​ച്ച​ക്ക് 12.55ന് ​ഉ​ണ്ടാ​യി​രു​ന്ന എ​യ​ർ ഇ​ന്ത്യ എ​ക്സ്പ്ര​സി​ന്‍റെ സ​ർ​വി​സ് മാ​ർ​ച്ച് 26 മു​ത​ൽ ഒ​ന്നി​ട​വി​ട്ട ദി​വ​സ​ങ്ങ​ളി​ൽ ഉ​ച്ച​ക്ക് 1.10 ന് ​എന്ന രീതിയിലാണ് സർവ്വീസ് കാണിക്കുന്നത്.
മാർച്ച് 26 ന് ശേഷം എയർ ഇന്ത്യയില്‍ ടിക്കറ്റെടുത്തവർക്ക് എയർ ഇന്ത്യാ എക്സ പ്രസിലേക്ക് ടിക്കറ്റ് മാറ്റിനല്‍കുമെന്നാണ് എയർ ഇന്ത്യാ ഓഫീസില്‍ ബന്ധപ്പെടുമ്പോള്‍ ലഭിക്കുന്ന മറുപടി.