പത്തനംതിട്ട: സിപിഎമ്മിന്റെ ഫെയ്സ്ബുക്ക് പേജില്‍ യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തിലിനായി പ്രചാരണ വീഡിയോ. 'പാലക്കാട് എന്ന സ്നേഹ വിസ്മയം' എന്ന അടിക്കുറിപ്പോടെയാണ് വീഡിയോ ഫെയ്സ്ബുക്ക് പേജില്‍ പ്രത്യക്ഷപ്പെട്ടത്. അബദ്ധം പിണഞ്ഞതോടെ 63,000 ഫോളോവേഴ്സുള്ള പേജില്‍ നിന്ന് വീഡിയോ രാത്രി തന്നെ നീക്കം ചെയ്തു.
സിപിഎമ്മിന്റെ ഔദ്യോഗിക ഫെയ്സ്ബുക്ക് പേജ് അല്ലെന്നാണ് സിപിഎമ്മിന്റെ വിശദീകരണം. വീഡിയോ വന്നത് വ്യാജ ഫെയ്സ്ബുക്ക് അക്കൗണ്ടിലാണെന്ന് സിപിഎം ജില്ലാ സെക്രട്ടറി കെ.പി ഉദയഭാനു പറഞ്ഞു.
വീഡിയോ സിപിഎം ഫെയ്സ്ബുക്ക് പേജില്‍ പ്രചരിച്ചതില്‍ പരാതി നല്‍കുമെന്നും ഉദയഭാനു പറഞ്ഞു. അതേസമയം രാഹുലും സംഘവും ചേര്‍ന്ന് സിപിഎമ്മിന്റെ പേജ് ഹാക്ക് ചെയ്തതാണെന്നും എസ്പിക്ക് പരാതി നല്‍കുമെന്നും ജില്ലാ സെക്രട്ടറി ഉദയഭാനു പറഞ്ഞു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.