കോവിഡ് മുക്തി നേടാതെ ട്രംപ് ആശുപത്രി വിട്ടു

ന്യൂയോർക്ക്: ​കോവി​ഡ് 19 ബാ​ധിച്ച് ആശു​പ​ത്രി​യി​ൽ ചികിത്സയിലായിരുന്ന അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ആ​ശു​പ​ത്രി വി​ട്ടു. തനിക്ക് കാര്യമായ ആരോഗ്യപ്രശ്നങ്ങളില്ലെന്നും ഉടനെ തന്നെ പ്രചാരണം പരിപാടികളിൽ സജീവമാകുമെന്നും അദ്ദേഹം ട്വിറ്ററിൽ അറിയിച്ചു. കോ​വി​ഡ് മു​ക്തി പൂർണ്ണമായി നേ​ടു​ന്ന​തി​ന് മുൻപേ അ​ദ്ദേ​ഹം ആ​ശു​പ​ത്രി​വി​ട്ട​തും പ്രചാരണ പരിപാടികളിൽ രംഗത്തുവരുന്നതും വലിയ വിമർശനത്തിന് വഴി തെളിച്ചിട്ടുണ്ട്.

വാള്‍ട്ടര്‍ റീഡ് സൈനിക ആശുപത്രിയിലായിരുന്നു ട്രംപിന്റെ ചികിത്സ. ബാ​ക്കി ചി​കി​ത്സ​ക​ൾ വൈ​റ്റ്ഹൗ​സി​ൽ തു​ട​രു​മെ​ന്നും ട്രം​പ് വ്യ​ക്ത​മാ​ക്കി. വാള്‍ട്ടര്‍ റീഡ് ആശുപത്രിയില്‍ നിന്ന് ഹെലികോപ്ടറിലാണ് ട്രംപ് വൈറ്റ്ഹൗസിലെത്തിയത്. ഇ​പ്പോ​ൾ സു​ഖം പ്രാ​പി​ച്ച വ​രു​ന്നു​വെ​ന്നും കോ​വി​ഡി​നെ ആ​രു ഭ​യ​ക്ക​രു​തെ​ന്നും രോ​ഗം ശ​രീ​ര​ത്തെ കീ​ഴ​ട​ക്കാ​ൻ അ​നു​വ​ദി​ക്ക​രു​തെ​ന്നും ആ​ശു​പ​ത്രി വി​ടു​ന്ന​തി​ന് മു​ന്നേ ട്രം​പ് ട്വി​റ്റ​റി​ൽ കു​റി​ച്ചു. വൈറ്റ്ഹൗസിലെത്തിയ ഉടനെ മാസ്‌ക് മാറ്റി അനുയായികളെ അഭിവാദ്യം ചെയ്തു.