“സ്വർഗീയ ഭോജ്യം” പുതിയ ദിവ്യകാരുണ്യ ഗാനം പുറത്തിറങ്ങി

ഹാമിൽട്ടൺ: അനുഗ്രഹീത ഗായിക സിസ്റ്റർ സിജിന ജോർജ് ആലപിച്ച സ്വർഗീയ ഭോജ്യം എന്ന ദിവ്യകാരുണ്യ ഗാനം പുറത്തിറങ്ങി. ഫാ. ഷോജിൻ ജോസഫ് സി.എസ്.എസ്.ആർ ആണ് ഗാനത്തിന്റെ വരികൾ രചിച്ചിരിക്കുന്നത്. ആഴത്തിലുള്ള ഭക്തിയുടെയും ദിവ്യകാരുണ്യത്തിന്റെയും മഹത്വം പ്രതിപാദിക്കുന്ന ഈ വരികൾ സംഗീത രംഗത്ത് പുതിയൊരു ആത്മീയ അനുഭവമായി മാറുന്നു. ബിബിൻ ബാബു കീച്ചേരിലിന്റെതാണ് സംഗീതം. നിനോയ് വർഗീസാണ് പശ്ചാത്തല സംഗീതം. മനോജ് തോമസ്, ടോം ജോസഫ് എന്നിവർ ചേർന്നാണ് ​ഗാനം നിർമ്മിച്ചിരിക്കുന്നത്.

അഷ്ലി, ലിസി, ജിഷ് എന്നിവരാണ് കൊറസ് ആലപിച്ചിരിക്കുന്നത്. ജോസഫ് മാടശേരിയാണ് ഫ്ലൂട്ടിന്റെ മധുര സ്വരങ്ങളാൽ ഗാനം സമ്പന്നമാക്കിയത്. സൗണ്ട് ഡിസൈൻ: അബിജിത്ത് ശ്രീധർ. ഛായാ​ഗ്രഹണം: നിഖിൽ അ​ഗസ്റ്റ്യൻ, ജിനോ ജോസ്. എഡിറ്റിങ്: ജോസ്ന ഷാന്റി. ആസ്ട്ര ഡിസൈൻ ആണ് ഗാനത്തിന്റെ പോസ്റ്റർ ഡിസൈൻ ചെയ്തത്. ഷാന്റി ആന്റണി അങ്കമാലി ഗാനത്തിന്റെ മുഴുവൻ പ്രവർത്തനങ്ങൾക്കും ഏകോപനം നൽകിയത്.

ഏറെ സ്നേഹത്തോടെയും പ്രാർത്ഥനയോടെയും ഒരുക്കിയിരിക്കുന്ന ഈ ഗാനം വിശ്വാസികൾക്ക് ദൈവാനുഭവത്തിന്റെ ആഴങ്ങളിൽ എത്തിച്ചേരാനുള്ള സംഗീതധാരയായിത്തീരും. ക്രൈസ്തവ സംഗീത ലോകത്ത് പ്രാർത്ഥനാഭരിതമായ ഗീതങ്ങളിലൂടെ ആത്മീയ പുതുമകൾ തേടുന്നവർക്ക് സ്വർഗീയ ഭോജ്യം പുതിയ അനുഭവം ആയിരിക്കുമെന്ന് സംഘാടകർ പറഞ്ഞു.

വീഡിയോ കാണാം