കണ്ണൂര്‍: ശൈത്യകാല ഷെഡ്യൂളില്‍ കണ്ണൂര്‍ വിമാനത്താവളത്തില്‍ നിന്നുള്ള സര്‍വീസുകള്‍ വെട്ടിക്കുറച്ച് എയര്‍ ഇന്ത്യ എക്‌സ്പ്രസ്. കുവൈറ്റ്, ബഹ്റിന്‍, ദമാം, ജിദ്ദ എന്നി സെക്ടറുകളിലേക്ക് കണ്ണൂരില്‍ നിന്ന് നേരിട്ടുള്ള സര്‍വീസുകളുണ്ടാകില്ല.
ശൈത്യകാല ഷെഡ്യൂളില്‍ കണ്ണൂരില്‍ നിന്ന് ആഴ്ചയില്‍ 42 സര്‍വീസുകളുടെ കുറവാണ് ഉണ്ടാകുക. കേരളത്തിലെ മറ്റ് വിമാനത്താവളങ്ങളില്‍ നിന്നുള്ള സര്‍വീസുകളും കുറച്ചിട്ടുണ്ട്. കുവൈറ്റ്, ജിദ്ദ, ബഹ്റിന്‍ എന്നിവിടങ്ങളിലേക്ക് ആഴ്ചയില്‍ രണ്ടും ദമാമിലേക്ക് മൂന്നും സര്‍വീസാണ് ഉണ്ടായിരുന്നത്. കണ്ണൂര്‍, കോഴിക്കോട് വിമാനത്താവളങ്ങളില്‍നിന്ന് കുവൈറ്റിലേക്ക് നേരിട്ടുള്ള സര്‍വീസില്ലാത്തത് പ്രവാസികള്‍ക്ക് തിരിച്ചടിയാകും.
കണ്ണൂരില്‍ നിന്നുള്ള മറ്റ് സര്‍വീസുകളിലും കുറവ് വരുത്തിയിട്ടുണ്ട്. ഷാര്‍ജയിലേക്ക് ആഴ്ചയില്‍ 12 സര്‍വീസാണ് ഉണ്ടായിരുന്നത് ഏഴായും, മസ്‌കറ്റിലേക്ക് ഏഴ് സര്‍വീസുണ്ടായിരുന്നത് നാലായും കുറച്ചു. ദുബായ്, റാസല്‍ഖൈമ എന്നിവിടങ്ങളിലേക്കുള്ള ഓരോ സര്‍വീസും കുറച്ചിട്ടുണ്ട്.
വേനല്‍ക്കാല ഷെഡ്യൂളില്‍ എയര്‍ ഇന്ത്യ എക്‌സ്പ്രസിന് ആഴ്ചയില്‍ 96 അന്താരാഷ്ട്ര സര്‍വീസുകളുണ്ടായിരുന്നത് ശൈത്യകാല ഷെഡ്യൂളില്‍ 54 ആയി കുറയും. എയര്‍ ഇന്ത്യ എക്‌സ്പ്രസും ഇന്‍ഡിഗോയും മാത്രമാണ് കണ്ണൂരില്‍ നിന്ന് സര്‍വീസ് നടത്തുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.