ഓസ്ട്രേലിയയിൽ ദമ്പതികളെ കുത്തി കൊലപ്പെടുത്താൻ ശ്രമിച്ച ആളെ പൊലീസ് വെടിവെച്ചു കൊന്നു

സിഡ്‌നി: സിഡ്‌നിയുടെ തെക്ക് ഭാഗത്തുള്ള നൗറയിൽ ദമ്പതികളെ കുത്തി കൊലപ്പെടുത്താൻ ശ്രമിച്ച ആളെ പൊലീസ് വെടിവെച്ചു കൊന്നു. കുത്തേറ്റവരെ ഗുരുതര പരിക്കുകളോടെ ആശുപത്രിയിൽ പ്രേവേശിപ്പിച്ചു.

ഗാർഹിക പീഡനവുമായി ബന്ധപ്പെട്ട ലഭിച്ച ഫോൺ കോളിനെ തുടർന്നാണ് പൊലീസ് സംഭവ സ്ഥലത്ത് എത്തിയത്. വീടിനുള്ളിൽ ഒരു സ്ത്രീയും പുരുഷനും കുത്തേറ്റു കിടക്കുന്നതാണ് കണ്ടത്.

ഇരുവരെയും കുത്തിയതായി സംശയിക്കുന്ന ഒരാൾ അവിടെ ഉണ്ടായിരുന്നു. പൊലീസിനെ കണ്ടതും കയ്യിൽ ഇരുന്ന കത്തി വീശി ഉദ്യോഗസ്ഥരെ ആക്രമിക്കാൻ അയാൾ പാഞ്ഞടുത്തു. ഉടനെ  ആക്രമിയെ പൊലീസ് വെടിവെച്ചു കൊലപ്പെടുത്തുകയായിരുന്നു.

കുത്തേറ്റ ദമ്പതികളെ പൊലീസ് ഹെലികോപ്റ്ററിൽ ആശുപത്രിയിൽ എത്തിച്ചു. അക്രമത്തിൽ പ്രതിയുടെ പങ്ക് പൊലീസ് അന്വേഷിച്ചു വരികയാണ്. കുത്താൻ ഉപയോഗിച്ച കത്തി ഫോറൻസിക് പരിശോധനക്കു നൽകി.

സംസ്ഥാന ക്രൈം കമാൻഡിന്റെ ഹോമിസൈഡ് സ്ക്വാഡ് സംഭവവുമായി ബന്ധപ്പെട്ട് അന്വേഷണം ആരംഭിച്ചു.