കുവൈറ്റ് എസ്എംസിഎ ബഫർ സോൺ വിഷയത്തിൽ സെമിനാറും ഐക്യദാർഢ്യ സമ്മേളനവും ഇന്ന് വൈകിട്ട് ആറിന് നടത്തുന്നു

കുവൈറ്റ് സിറ്റി: കുവൈറ്റ് സീറോ മലബാർ കൾച്ചറൽ അസോസിയേഷൻ്റെ ആഭിമുഖ്യത്തിൽ ബഫർ സോൺ വിഷയത്തിൽ സെമിനാറും ഐക്യദാർഢ്യ സമ്മേളനവും സംഘടിപ്പിക്കുന്നു. 

ഇന്ന് വൈകിട്ട് ആറിന് സെൻറ് അൽഫോസാ ഹാളിൽ നടക്കുന്ന സമ്മേളനത്തിൽ കത്തോലിക്കാ കോൺഗ്രസ് ഗ്ലോബൽ പ്രസിഡൻ്റ് അഡ്വ.ബിജു പറയനിലം ആമുഖപ്രഭാഷണവും ഗ്ലോബൽ വൈസ് പ്രസിഡൻ്റ് ഡോ.ജോസുകുട്ടി ഒഴുകയിൽ മുഖ്യ പ്രഭാഷണവും നടത്തും.

കുവൈറ്റിലെ വിവിധ രാഷ്ടീയ സാമൂഹിക സാംസ്ക്കാരിക നേതാക്കൾ സമ്മേളനത്തിൽ സംസാരിക്കും. കേന്ദ്ര - സംസ്ഥാന സർക്കാരുകൾക്കു നൽകുവാനുള്ള മെമ്മോറാണ്ടത്തിൻ്റെ ഒപ്പു ശേഖരണവും തദവസരത്തിൽ നടത്തപ്പെടുന്നതാണ്.