ദുബായ്: കേരളാ ബ്ലാസ്റ്റേഴ്സ് ടീം ദുബായിലെത്തി. പ്രീ സീസണ്‍ മത്സരങ്ങള്‍ക്കായാണ് ടീം ദുബായിലെത്തുന്നത്. 20 മുതല്‍ 28 വരെയാണ് മത്സരങ്ങള്‍ നടക്കുന്നത്. ദുബായ് അല്‍ നാസർ ക്ലബിലാണ് പരിശീലനം നടക്കുക. കോച്ച് ഇവാന്‍ വുകുമനോവിച്ചിന്‍റെ നേതൃത്വത്തിലാണ് ടീം മത്സരത്തിന് ഇറങ്ങുന്നത്.
20ന് ദുബായ് അൽ മക്തൂം സ്റ്റേഡിയത്തിൽ അൽ നസ്ർ ക്ലബിനെതിരായാണ് ആദ്യ മത്സരം .25 ആം തിയതി ദിബ്ബ ക്ലബ്, 28ന് ഹത്ത എഫ്.സി എന്നിവയെയും കേരളാ ബ്ലാസ്റ്റേഴ്സ് നേരിടും. എന്നാല്‍ ഓള്‍ ഇന്ത്യ ഫുട്‌ബോള്‍ ഫെഡറേഷന് ( എ ഐ എഫ് എഫ് ) ഫിഫ ഏര്‍പ്പെടുത്തിയ വിലക്ക് കേരളാ ബ്ലാസ്റ്റേഴ്സിന് തിരിച്ചടിയായേക്കുമോയെന്നുളള ആശങ്കയുണ്ട്.
അതിനിടെ, യു എ ഇ പര്യടനത്തിനുള്ള ടീമിനെയും കേരള ബ്ലാസ്റ്റേഴ്സ് എഫ് സി പ്രഖ്യാപിച്ചു. മലയാളി താരങ്ങളായ സഹല്‍ അബ്ദുള്‍ സമദ്, കെ.പി. രാഹുൽ, പ്രശാന്ത്, ബിജോയ് വർഗീസ് തുടങ്ങിയവർ ടീമിലുണ്ട്. സ്പോർട്സ് ടൂറിസം കമ്പനിയായ 'എച്ച് 16' ആണ് ബ്ലാസ്റ്റേഴ്സിനെ യു.എ.ഇയിൽ എത്തിക്കുന്നത്
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.